Poem in printable PDF format
Maraid fós fearta
Coluim
[Fraser, J. and
O’Keeffe, J. G.: ‘Poems on the O’Donnells (1200 to 1600)’, Irish
Texts ii (ed. Fraser, J. et al., London, 1931), poem 19]
Colum Cille is
still powerful.
Diarmaid Ó
Cléirigh cecinit
1 Maruid fós
ferta Coluim
liaide da lucht
uradhuill;
la ara chumachta
ní chuir
mar tá a
n-udhachta an erlaimh.
2 Tuicedh gach
nech anoisi
Colum cend na
heclaisi,
mar ghabhaid og á
ghuidhe
co maraid a
mhirbhuili.
3 Ni anaid ac
breith bhisigh
ferta an Choluim
Chillesin,
gach nech fá eri
do ac dul
remhe nachar mhó
a mhirbhul.
4 Ar Colum
dochuaidh a fad
ni fhuil litir da
laghad
nar scoiletar na
scola
d’fhoircetal an
erlomha.
5 Cumhachta
Coluim Chille
ni hinnamhail
aislinge;
is tendta ass, a
Ulta,
glas cerdcha na
cumhachta.
6 D’ar cabhair
anúas do nimh
drithli
chumhachta in chlerigh
romhainn as am dá
adhaint
clann Chonuill a
cuntabhairt.
7 Ré a chineadh
ní chuirfe a dhruim,
foirfe ar cinel
Conuill,
a ghael is doib
is deisi,
as cóir taebh ré
tairesi,
8 Guidhe Choluim
tar a chenn,
gebé eli nach
éstend,
fuair a chert o
reimh remhe
do thecht Neill
as naemhoidhe.
9 Re teacht an
trath bhus mhithidh
mac Feilim d’ar
fóirithin
cidh nach gell
guidhe Choluim,
cend uidhe gach
urodhaill?
10 A fhad uainn
gidh aidhbhsech lind
dobhera an ri ’na
fhrithing,
ga dás, orainn na
eri
gras ar Colulm
Chillene.
11 Cael a laimhe
a leabaidh ghlais,
nocho tarla do
tubais,
ní frith uaidh
gan ched Coluim,
ge madh bec uain
urodhuill.
12 A feacmais
oidhir Ghráinde
ni hingnadh damh
dermhaire,
nocha ghabh aga
oili
fada le fer
furnoidhe.
13 Osé fhoires ar
Ultaibh
guidhe Choluim
chumhachtaigh,
sinn ón cassa go
cuiredh,
rinn a ghrasa
geruidhedh.
14 Fá itche ni
erfa me
bec d’enech
Choluim Chille,
is gan me dó mar
dhlighim
an té as mó asa
muinidhim.
15 Colum Cille,
echt oili,
do mhac airdrigh
Osroidhe,
nocha decra a
n-iaraim air,
leaptha íarainn
do fhoscail.
16 Damh as córa
techt tairsí,
ni bháithfe mé an
mirbuilsi,
ar mo chumha osé
a inadh
cuma me dá
mhíniughadh.
17 Aedh mac
Ainmirech nír an,
ni beite ag techt
na thimchal,
ger scel doilig,
uair eli
go fuair oidhir
Osroidhe.
18 Mac
Cind-fhaelaidh nár ér scoil
d’Aedh a
shamlaidh do aentaigh
ar coraidhecht mo
chumha
tre fholaidhecht
eturra.
19 An cor do
cengladh reimhe
ider Aedh is
Osroidhe,
más fir nir
chomhaill an cor
do brigh Choluim
dá chengol.
20 Tainic erlamh
Indse Fail
a hAlbain
d’iarraidh Scannlain;
a tír mar
dochuaidh Colum
ón righ ni fhuair
urodhall.
21 Coraidhecht
Choluim Chille,
ga dú, isse a
fhírinne,
Aedh fan
mbraghaid ge do bhladh
don naemh tainec
a thernamh.
22 Tainec ar an
ri remhe
croidhe ar Coluim
Chilline;
cora a thecht[a],
ar Niall, anos,
gach elta ag
diall ré duthchos.
23 Ge mór decair
gach duine
fá ghlas ar géic
Bhóraimhe,
dar liumsa is
damh is decra
do bhlagh innsma
mh’aigenta.
24 Nech eli ní
fhuil a mbroid
ós dá chosaid re
caroid,
do cós fúinn tar
gach filidh,
acht suil fós ré
fóiridhin.
25 Ge ghabhmaid
ni gabthar ruinn
gael ar ngabail í
Dhomhnuill,
ader, noco ti da
thoigh,
ni bhi tren ris
nach tecoir.
26 An chedscel do
chuala me
uadh ar n-iadhadh
a ghemhle
nir damhadh ac na
deraibh
anadh ris na
hathscelaibh.
27 Ar ngabhail ní
guth lind
gairi do thaem da
taighlinn
ni fhuair me cead
on craidhe,
ge bec é dár
n-urchraine.
28 Ni do bhunadh
bhis astoigh
córaide cosc don
cumhuidh;
a mhna ata ag
tenmne
fegaidh mar tá ar
toirrchemne.
29 Docíther damh,
dia do rath,
an tamall ata a
n-iarnach,
me araen 7 ri
Almhan
do thaem Da Thi
ar tindabhradh.
30 Luath ar exibh
indse Cuind
as gach aird
d’fhis Í Dhomhnuill
tuc leim Gaidhel
do Ghalluibh,
réir aighedh ar
echtranduibh,
31 An siubhal ler
sailedh si[o]nn
do ghabhail
ghiall na hEri[o]nn
dochuaidh suil
isan siubhal
dúin ni huair da
aithniughadh.
32 Do bhídh re
mbarradh a nglais,
d’Erind as truagh
an tubais,
marbhán cosmail
re clar Chuinn
lamh risin orsain
aguinn.
33 An tacra do
Mhuidh Mhidhe
gé atá uili ag
ainfine
seal becc re
ngáinedh a nglais
gan ched Gaidhel
ni ghebdais.
34 D’eis Gaidhel
do ghabhail linn
do thabairt
aighthe ar Erinn
faghaibh gor
hescradh O hAirt
samhail don escor
orrdhairc.
35 Aghaidh
Bhanbha do bhi rinn
noco tainec in
toirrchim;
gach nert go
heigean gidh eadh
ni heidear techt
na thimchel.
36 Colum as lór
da lenmhain
ticc amach mac
Toirrdhelbhaigh
cúig righ ag
techt dá thogha
do bhrigh fhert
an erlomha. Maraid fós.