1348. Measdar teach innse re hOilech $

1348. Measdar teach innse re hOilech $
Length: long c. 36qq
Certainty: 1
Period:
  1. 15th early
  2. 15th mid
Areas:
  1. Ulster
Classes:
  1. House mp
Manuscripts:
  1. TCD 1363 (H.4.22) pt xii, 16th c. ?
Tracts:
  1. IGT ii 268
Motifs:
  1. comparison with all others
  2. Historical comparisons
  3. house/furnishings
  4. landscape
  5. craftsmen (saor, thatcher)
  6. Hunting
  7. importation of wine?
Poet Christian Names:
  1. Seithfin Mor (TCD 1363)
Poet Surnames:
  1. cname only
Patron Christian Names:
  1. Rudhraighe
Patron Surnames:
  1. MacMathghamhna
Meter Vars:
  1. Dechnadh Mor (loosely applied)
Poem:

Poem in printable PDF format

Measdar teach Innse re hOileach

[TCD 1363 (H.4.22), The ‘Seithfín’ Duanaire, 136]

Seithfín cecinit

[Deachnadh Mór, Brúilingeacht]


1 Mestar tech Innsi re hOilech

tech nách lingfe lassair

teid tar mur Cruacan ar culudh

mur uassal na n-arradh

do chinn ar Emain ’sar Oilech

’sar medhair Chinn Charadh

gell re mur Cormaic do chuirfedh

gerb ordraic a alladh.

2 A cenn suas tar gach brugh bere(i)s [137]

brugh [...]uas duath nderg tharach

mar [...] barr os cinn chlogait

in mind clach [...]nn cathnach

cuirt is inchuir os gach istadh

ca fidbaid[h] na facus

nara[...]c in brugh retrach [leg. saethrach?] slaitghel

re caelach na cathrac.

3 Mur Cruachan arar cinn [.......]

is [n?]uabrugh Cinn Charadh

’sa[n] tech do bi a nEmain Uladh

Temair na tri faladh

is dil ar eighrecht na n-istadh

in sidh beindghel ballach

rainic coiler crann na coilledh

an tarb coimthren cathrach.

4 Don chuirt ingantaigh do-fetar

d’imarcaigh na n-alladh

loch ’na timchal aga torracht

fidhbad[h] na loch lachnach

ni husgi diumsach a daingen

acht cíunloch can cassadh

ara mbí coilchi d’iasg iuchrach

bías choidhchi cen chadal.

5 Teghdais meic Ardgail áirc Uladh

cair carrthain na cathrac

tech ’nab inanta san errach

san istad-sa anfatt

midh Frangach tre fhin san istadh

frangcteach nach frith falamh

tech na sleg ngrenta ’s na ngheimel

in tech-sa is tech carad.

6 Damna righ sa treib do thoghus

mu lin ni leig falamh

tar tech Rugraidhi a-tú ac toighecht

mur Rugruighi rachus

ceim ar airemh os gach istadh

gan airem ní anfa

ni mestar aeintech acht Oilech

ar aibhnes ’na fharrad[h].

7 Gotha gerg is go[th na n-]ealad[h]

’mun port is ferr amarc

do-cither sa corrbrugh chupthach

[...] codnach na cathrac

loch sídhe úadh aga fhorrsedh

le líni luath lachan

in ri ’sa troigh ara tairsech

do-chí a toigh na tapthar.

8 Coimling a chon ’na coite[...]

scor moingshlim masglach

nó co mbi ara cuilt a codladh

do-ci is cuid da amharc

rith a cuach n-eithnech san istadh

’sa bledhedh n-uar n-assnach

teglach romór imm ó nEchach

a comol chúach mballach.

9 Gres ar gach encerd san istadh

treb teidbind na tapthur

tech Meg Mathgamna ’gur meltur

séd cathardha cathrach

righna os fuirinn oir s[an istad[h]]

a mbróin croiderg callad[h] (?)

cuirt ledhMeg Uidhir ar nUisnech

leitheid Uisnigh d’amarc.

10 As din ar fhiabrus a feithim

fiadhach agá falac

daim (?) mar budh edh arna n-egor

coin agus gres gadur

eillte sa brudh corrban chupthach

ar ucht ndhonnclár ndarach

a lan co horrsain san istadh

’s ar comlaib na cathrach.

11 D’imdenam each 7 eltan

sbrec n-ilgresach n-andam

tech ’na conchlonn ma dho cuiredh.

med comthom na cathrach

tech ’na ta aigh cach[a] fhilead[h]

a-ta re taib tallan

tech can enchlethram in t-istadh [138]

ar céadlennán cathrach.

12 Gell [d]ar ndheóin don tigh ar tossach

don tigh fá dheóigh damthair

in seomra donnclárach daingen

companach na cathrach

bruighen ghel fhínnderg hí Eachach

tech is fírferr ellamh

co faca an brugh béinnsech bleidhech

in céadtech do charus.

13 Do-gheib sinn samuilt don istadh

fan bind labuirt lachan

dar let is cloch ar na cengal

in tech os loch lachnach

adhbur rígh Oirghiall san istadh

cís na nghoiriath glacas

tech í Cholla na cuach n-aistrech

in smual corcra cathrach.

14 Fuair dar let a chuid don cherudh

tech ar nách cuir cagadh

aigi nach fallsa do fighedh

aigi badhba balach (?)

Grés on tearc caelach na cailledh

’na saetrach sreth masal

a dil cead ’sa horrthain d’innech

’sa gres ordhairc andma.

15 ’Na trebradh dhluith mín co mullach

gur dúin clí na cathrach

suil do tuighedh tech í Eachach

bruighen brec ’na mbrannub

gai gréine ara taib ni ticfadh

re gaib gréine ghabus

bés in fhirthopair ’conn istadh

grés sidhamail slatach.

16 Lór d’ínnfhúar co táir in tespach

ráith midhfhuar na massal

le tech mic Nualaithi is nemolc

arthaisi dá faghadh

cia danb egail isan istadh

ferthain gemad frassach

din ó thús dílinn co deiredh

sá[n] mur fhínderg asnach.

17 Dil air luach in lamh ler tuighedh

sidh na clar mbhúan mbhallach

ní fes sa[n] teghdhais nach turudh

ferrthain agá falcadh

tech air nach gell caeimthech cailled[h]

aeintech is ferr fasscudh

bruighin fithe na colg critrech

scolb trithi agá thachtadh.

18 Dá ni nach egail don istadh

is mín grenadh gabhal

gaeth fuar ina tuili ac toighecht

buinne luath lasrach

múr finn nach fostann a dethach

in mid clochdhonn cathrach

istadh ard air nach teid temhel

a dhé ni hann anus.

19 Ni sáer nách rug gell ar grinnes

do delb in bruidh ballach

frith aenta Ghobain fan gerradh

craeba in clogais cathrach

no is é sin in saer ler snoighedh

gach craeb sa[n] tigh thaprach.

a cinn ina cheili ceilter

an beinne grinn gabhal.

20 Ní shuathfad líne lamh ndaingen

sa[n] rath fhithe assnach

nach scuch da n-áit arna n-h[...]

co tair in brugh ballach

in a ngres far cosmail coimes

a nglotain a gabhal

sa port chenncorr arna chengal

do roth dergdhonn darach.

21 Tech mic Airdghail dún nach druidter

arrsaigh clú na cathrac

ca beg a hinntshathadh d’aites

inn ingnáthach annamh [139]

saer co horsanaib ’gá hegar

do donnasnuib darach

do thuill beannacht 7 beredh

ar n-egur na n-asnadh.

22 Is cert an compás ler cumadh

tech na ndhonnclár ndarach

in rath fallan os gach istadh

mur branan ós branndub

do sin tar cimsaib na coilledh

can fidhbaid[h] da falach

tech fan moch airfitedh ealtan

roth coimlethan cathrach

Ma ta aintegh is é in t-istadh

’na[ch] leir gainedh gabhal. Nach leir gainnedh gabhal