firstLine"; ?>

1353. Meisneach miledha a mac Eoin $
Length: middling 26qq (aceph.?)
Certainty: 3
Period:
  1. 17th mid
Areas:
  1. Scotland
Classes:
  1. eulogy mp
Manuscripts:
  1. NLS Adv. 72/1/39 17th cent.
Motifs:
  1. imagery for patron (bear)
  2. qualities patron’s character (nert feile firinne)
  3. patron’s feasts
  4. Material rewards for poetry
  5. liberality to poets
  6. prowess in warfare
  7. naval warfare
  8. fertility in reign of true prince
  9. Hostages
  10. Hunting
Patron Christian Names:
  1. Domhnall mac Eoin
Patron Surnames:
  1. MacDomhnaill of Clanranald c. 1650
Meter Vars:
  1. deibhidhe
Poem:

Poem in printable PDF format

Meisneach míleadh i mac Eoin

[NLS Adv 72/1/39, 29r]

[Deibhidhe, Dán Díreach]


1 Meisneach míledh a mac Eóin

a(n) laibh troda a ttir aineoil

mur ta a-nú os cheimibh chaigh

clú an treinfhir a ttegbhail.

2 E gan aithne ’na ait fein

mac Eoin tre echtra imchéin

lor do bhairc bliadhuin a-muigh

a ttraicht gan iarruidh eolaigh.

3 Ge bheth a n-ágh ’na n-ághaid[h]

ni ghluais feall ar foghladhibh

ni gniomh dob omhan air

siodh da mbloghad[h] ar biodhbaidh.

4 Ar bfaghail urchuir sleighe

ar mac eilte d’aireidhe

tug eala ’na suan ar sál

le treagha nár bhuail bradán.

5 Tús laoi ni druid o dec[r]uibh (?)

deireadh laoi leis rolentuir

beiridh féin buaidh an baire

giodh réidh ar uair n-edrana.

6 [Ní?] fed námha a chlu do cheilt

mac Eóin an aignidh orrdheirc

a threighe ag techt ler ngille

nert is féile is firinne.

7 Menic leis [a] laibh (a) ghoile

coshuamh [leg. -namh?] berna baoglaighe

derg meoir a ghlaice gile

a [n]deoidh craite craoisighe.

8 I[..]gliadh a n-eruic a lu[i]t

ni bhía la gan echt orrdhuirc

torchuir le caolfhogha Í Chuinn

aonrogha compuidh chomluinn.

9 A sheoid ni luaithe i(a)na laimh

no cliar aisde da faghail

ceisd fa naire an olla[i]mh air

bronnaidh fhainne gan iarraidh.

10 D’ionnmhus nacan iarrann fein

acht dion uaisle ar oilbheim

beg maoineadh (?) a taisgidh táir

d’faicsin aoidhedh gan edail.

11 Meinic lei[s] traot[hadh] tachair (?)

ar aisrais [leg. aithris?] Chuin[n] Chédchathaigh

annamh learg achaid[h] nach bhfuil

derg o cathaib[h] í Chobhtoidh.

12 Tus ruagtha ni deachaidh dhe [29v]

deiredh deabhtha ag mac Móire

se go huaimh re fheinn uile

gur bhuail béim a mbrosdaigh[e].

13 D’éis chuart[a] a gcerdchuibh goile

ní locann lar n-iorghoile

Domh[n]all ’na céimibh do clecht

gan comhlann einfhir d’eitecht.

14 Biaidh aca tar chruas gcenduidh

deoch a n-esgruibh óirchenguil

gaol ar fionuibh an fhuinn-si

daor don rioghfhuil Raghnuilluil [leg. -ill-si?].

15 Tú fein is t’ech is t’ara

lor leat d’fagail iomghona

ni baoghail do chru Cholla

is tu ad t’aonar etorra.

16 Braighde ad geibhil uair oile

biaidh a bheitir gaoladha (?)

tug sin giall ad gheibhils

ar sir cliar dod chimidhibh.

17 Clann Raghnuill na ruag ndána

um [leg. uime?] a trath [a] tegbhála

os sibh thaobar (?) cru Cholla

clu do laochradh Liatroma.

18 Fa ol ni honóir chuimsi

as gnath don fhreimh Raghnuil-si

tosach failte fine Chuinn

slainte d’ibhe go hursuinn.

19 Tu [a] Dhomhuill d’forrnadh [leg. -rrán?] orra

ferrde iad la [a?] leatroma

do médaigh clú d’aicme Airt

tu ar do maicne gan mhalai[rt].

20 D’eis do bhronnta um gort nGáoidheal

sgoil a n-iomad iolmaoined

tug do chlú ceim fan ccruinne

’s tu ag cleir ad comhnaidhe.

21 Ni lughuide roimh rabadh

gaoth da méd ag mosgaladh

d’eagla chean um chuan Mhuile

gan suan ar fer bhforuire.

22 Dod t’foghlad[h] (?) ar fath omhuin

a tteilg ar áth d’urchuiribh

sledh seng dod dioth on deabaidh

le bhfrioth geall o Gaoidealaib[h].

23 Cuirter libh [a] laibh (a) sealga [30r]

gair[m?] ar chonuibh ceinnderga

do-beir agh uaibh gan oighidh

damh a huaimh dod ionnsoigh[idh].

24 A ccait(m)he uaibh dod fogha[ibh]

ag cur air ar ealtadhaib[h]

sledh od bhois san rian romhibh

’na crois a bfiagh fuaramuir.

25 ’S gach traigh le tighi a ttairthe

lín a bfeidm a bfolm[h]uigh[th]e

an tes mur do tiomcuil tonn

es nocha(a)n iomc[h]uir abhann.

26 Iomdha ar lar do lis caithfigh

laoich [a] hinnsibh anaithnigh

fada an uain do bhi ad bruigin

ri nac fuair [a] fhia[f](th)ruighe[idh].