Poem in printable PDF format
Minic fríoth Éire
a hEamhain
[Fraser, J. and
O’Keeffe, J. G.: ‘Poems on the O’Donnells (1200 to 1600)’, Irish
Texts ii (ed. Fraser, J. et al., London, 1931), poem 13]
On Maghnus Ua
Domhnaill.
Gofraidh Mac an
Bhaird .cc.
1 Minic frith Eri
a hEamain
a dil celi fa
comhair
an tshin ni fhuil
na adhaidh
gabaid don fhuil
righ roghain.
2 Na tairthe ga
lá is lugha
a haithne ata ga
tagha
ruc síon don
righe rogha
togha rig mine an
mara.
3 Terc a medh
righ do rígaib
a gnimh ca ben
nar buaidir
do-ní se le tri
triaraib
ri gan riagail é
ar uairib.
4 Fécthar gnath
na righ reime
a gnath ag righ
an raibe
feichid uadh re
feadh fledhi
smual na sleghi
an fer faire.
5 Derg am Boinn
crich a cuarta
do sith co fóill
nach fechfa
fada as bidhba ar
iath nEorpa
sciath leonta on
himda échta.
6 Geall re
hechtaib ar fhegadh
an eng shenta do
shínedh
tic na gaith móir
a maidhem
scailed sroill
maith an miled.
7 An feadh adras
don omna
do lean Maghnus a
menma
bec doib a
fuidhel faghla
cuired Samna ar
fhóir Emna.
8 Tuc sith ar dul
a ndebaid
a fích ga cor o
comhaidh
dá rab a fhaid na
adhaigh
maraid car áidh
da fhoghaib.
9 Coill is blath
ingnad uirre
an fidbad san ath
imme
fa dín da crann
don coille
coinde cland righ
do-rinde.
10 Do lín Fond
Eamhna d’úaman
a menma is tonn
gan tragadh
ni he nach buaidh
do-beradh
fegadh se d’uaim
a áladh.
11 Becc laprus an
tan tarla
fa Maghnus ac cur
comdha
an fedh do bai sa
mberna
a menma ar mnai
is fer foghla
12 Seol a scáithe
do sgailed
eol na gaeithe co
ngebad
ícaid meoir le
mnaib miled
sinedh seoil narb
ail d’fhegad.
13 Gabaid fa ghel
na gruaide
an fedh maraid a
maine
guais co mbíadh
na buain beime
ríar cleri fhuair
an t-aíde.
14 Cia da daimh
fer nach faighe
gach fledh as ail
re hibhe
fechaid se buaidh
an bleidi
ge be heile fuair
fili.
15 Geba an geall
do gab Guaire
is gell re bladh
a braige
rachtain ass gan
boing mbeime
glas ot fheli ar
doirr ndaime.
16 Do chrod nir
f[h]eith a n-oíridh
gan dol ó do
dreich naraig
o fuair ar mhar
dot maínib
fagh ón aídidh
uaim h’álaidh.
17 Baidh le
rigmnaib do riaghail
sirdhail a
ngraidh ad gnimaib
do brigh an clu
do-cualaidh
do fhuaraigh tú
am righ righain.
18 An bert le
cach ag cungnam
ni bert gan
f[h]ath do himradh
sul do nocht
h’fhearg a hadbar
cealg mallbhan
ort do hinnlad.
19 La duit a
n-ádh at fheinnidh
an la ’gud reic
os rigaib
aighte cliar ar
cru nDaluig
taraidh tú a ríar
do rígain.
20 A ngliaidh an
taeb da tiucfa
sa raen na diaidh
nír dolta
cuirter lib go
ham n-echtra
do tigh leabtha
na crann corcra.
21 Mas cairt duid
ar cro Connla
a troid as mo do
menma
suil do rígh nar
ben Banba
fer fagla dib da
nderna.
22 Doigh éra dib
nach dingnad
a scela a tír mar
toghlad
t’fhían am noin a
n-íath fhagladh
ar snadmadh
scíath n-oir d’fhogmar.
23 Nach doibh
scailed do scela
scailed do toir
na tana
h’aithne do cach
nir cora
trath nona a
haithli an agha.
24 Tuctha seal do
Tigh Teamra
mar do-bir gach
fer fogla
fassaid cnú na
cnoib imdha
dingna tú ar
bloigh don Banbha.
25 Leat tir Da
Thi do tileadh
na bidh an drai
go deibed
sreb na suan ag
reic roghan
molad druadh deit
a-deired.
26 Sreab dar gar
a fer faire
is fled nar an
gan ibe
duais do bud lor
uair eli
fat’ól sreibe
fuair file.
27 ’Gon dingna ar
luaid O Luigdech
a dirma sluaig
bud siublach
ge gerr co lá a
lícc Teamrach
ata Bregmach díd
dimgach.
28 Do bi na hoigh
ar úairib
amoigh do bi re
blíadnuib
ben duit do-coidh
a ceimib
feinnidh bruit
óir a hiarruidh.
29 A-mach nir
muig a menma
sa cath as-t[o]ig
co tarla
ben do bí a
cleith ’god comdha
cobra an sceith
dob í a hadbha.
30 Do ben a sith
an sengha
nach frith acht
re fedh foghla
minn slige as teg
nach tiubra
bidhba sleg eli
an t-omna.
31 Crann sin do
fheith dot fheli
dod bladh ag
breith an baire
frith do cnuas an
croinn tshide
duas do-ríne ar
doirr ndáimhe.
32 Tarla Tethba
dib dimgach
fa sechna do Sil
Luigdech
fili ge toir da
teglach
coir Teamrach
Mide a Murbech.
33 Imdha am Dail
na fed fillte
sa fled da gach
taib treimpe
tain bech re
n-idhnaibh indte
cleth fhillte ós
imdhaidh eillte.
34 Ni leir sreba
acht a slechta
eala da leim co
lochfa
dobeir goil fa
bruach Berta
fuath a leabtha
ag cnoib corcra.
35 Se ag cur an
mara a míne
ina tagha ag cur
ceilli
sriubh tana tre
taib Luaidhe
fala uaidhe ar
gaíb gréine.
36 Tic a cíoch
alainn oighe
ar ámhaill a diol
dighe
mór tart a gleó
na goili
lacht oighe ag eó
dá ibhe.
37 Do bréc an
muir ó maigri
go muir nar fhech
a himli
ar snim a renn
do-roighne
oigri righ as
fherr inmhe. Meinic.
38 Iúl dingnadh
righ do-ríne
do imghabh do dil
daime
gaeth a seol na
fert feili
re techt beime a
mbeol baire.
39 Ní le
ndingnadh daim ndainidh
ingnad a dail do
deoraid
a clu do cuir os
rigaibh
do clu ar righain
d’fhuil Eogain.
40 Siubhán dot-uc
a n-oíridh
tiughár tuc ara
maínib
do smuain a ríar
na riagail
iarraigh féin a
uair d’aídhid.
41 Ciall a
scaoilid na sgoile
riar aidhed air a
haire
a breth fein co
bfhuair file
gile a ngruaidh
reid ni raibhe.
42 Sith daime a
ndeoig a deinmhe
na deóigh do
dháil a hairghe
na geall caithmhe
air F[h]iadh nErne
cliar d’erge
d’aithle a hairmhe. Meinic frith.