firstLine"; ?>

1477. Neall mna sithe sunn a-reir $
Length: middling 23 qq
Certainty: 3
Period:
  1. 16th ult
Areas:
  1. Connacht
Classes:
  1. Aisling
Manuscripts:
  1. Book of O’Conor Don c. 1631
Prints:
  1. transl. Knott, TD no. 39
Motifs:
  1. eulogy of appearance
  2. description of clothes
  3. poet’s grief
  4. siodh
  5. Aisling
Poet Christian Names:
  1. Tadhg Dall (BOCD)
Poet Surnames:
  1. O hUiginn
Apologue Subclasses:
  1. Connla lured away by fairy
  2. Immram Brain
Meter Vars:
  1. deibhidhe
Poem:

Poem in printable PDF format

Néall mná síthe sunn aréir


[Knott, E.: The Bardic poems of Tadhg Dall Ó hUiginn, Irish Texts Society 22-23 (1922, 1926), poem 39]


1 Néall mná síthe sunn aréir,

mairg fuair radharc an rínéill;

bean a haithghin níor fhéagh sinn,

an néall rér aithrigh mh’inntinn.


2 Ionmhuin taidhbhse táinig sonn

aréir trem chodladh chugom;

biaidh choidhche ’ga luadh linne

suan oidhche na haislinge.


3 Gruaidh leithgheal nár dheirge rós

’gon inghin, dob é a hiomthós;

dearca mar dhlaoi don bhugha,

dá bhraoi chearta chíordhubha.


4 Béal tana nár mhillse mil

ar ghné ógróis ’gon inghin;

gach glór róirighin do ráidh

fa lór d’fhóiridhin easláin.


5 Tarla i mbéal na mbriathar mall

déad roigheal mar fhras néamhann;

leaba sheang dá hós uime,

ar nós dá pheall pharluinge.


6 Eidir ghéagaibh glac leabhar

atáid so ar na suidheaghadh -

tolcha corra chíogh gcaoimhgheal,

is díon orra d’órchraoibhreadh.


7 Tánaig coimhdhíon a dhá chos

don bhuaidh do bhí ar . . . ,

dá bhróig go n-imlibh órdha

fan n-óig mbinnghil mbánóghdha.


8 Brat corcra go gciomhsaibh sróil,

léine dheirgimeal ndeargóir;

géill chuimhrigh óir dob ionair

mun n-óigh suirghigh sídheamhail.


9 Beannaighis an mhín mhálla

dhúin d’fhurfhuighlibh éadána;

do freagradh uaim dá aithle

an sduaigh dheaghglan deaghaighthe.


10 I gcionn athaidh dá éis sin

fiarfaighthear uaim don inghin :

“ga ríghe i mbí do bhunadh,

ga rí tíre ó dtángabhar?”


11 “Dá rann nó trí atá ar domhan,

mó is cumhang ré a gcuartughadh

d’iarraidh m’eóil,” ar an bhean,

“diamhair mo sgeóil ní sgaoileabh.”


12 “Ad dhiaigh tánag, tarr liom,”

rádh na hinghine ós ísioll,

d’fhaoidh mar ionnamhail orgáin

caoin bionnfhalaigh briatharnáir.


13 Ní feas damh - dia do mhealladh -

dul lé an uair do éimdheamar,

cáit ar éirigh uaim d’eitill

an sduaigh céillidh chroidhethim.


14 Sgaradh cuirp é re hanmhain

don ríoghain deirg dhonnabhraigh,

sionn d’fhágbháil arna himtheacht,

an fhionn ágnáir fhuighillcheart.


15 Go Crích bhFódla, fada ó shoin,

mar sin táinig ó thosoigh

bean bréagtha ríoChonnla Ruaidh;

síothamhla a héachta an athuair.


16 Mac dob fhearr aga athair,

Connla mhac Cuinn Chéadchathaigh -

lé gaois éanmhná tar tuinn téid,

ní théarná i luing a leithéid.


17 Cuairt oile a hionnamhail soin

tig tar tuinn go mac Feabhoil,

bean donnbhruit is craoibhe ceóil,

ordhruic an t-aoighe uirsgeóil.


18 Naoi naonbhar do chloinn churadh

d’uaisle oirir Dheasmhumhan

rug lé mar Bran an bheansoin

fa bladh é dá n-uireasbhaidh.


­19 Mealladh Bhrain, bréagadh Chonnla,

tar muir le mnáibh allmhordha -

mealltar mé le a mac samhla

dar lat is é is éagsamhla.


20 Síodh Mhidhir an mhúir phurtghloin,

Dún Sainbh nó Síoth Abhartaigh -

ní feas daoibh bean ’sna bruidhnibh

budh meadh don chaoin chiúnfhuighligh.


21 Ní fuighthe i nEamhuin Abhlaigh,

ná i mBrugh Aonghuis órarmaigh,

bean shídh cuirthear ’na conchlann,

an chruithgheal mhín mhalachdhonn.


22 D’éis na mná d’imtheacht uainne

gan bheith im’ fhear éanuaire

dá madh éidir é ’na fonn

is sé budh éigin orom.


23 D’éis mo ghrádha dá gruaidh ghil,

ar n-imtheacht uain do’n inghin,

mar théid tráigh i ngach tuile

do bháidh ar méid meanmuine.