firstLine"; ?>

1585. Olc an connradh a chlann Adhaimh $
Length: long 32qq
Certainty: 0
Classes:
  1. religious
Manuscripts:
  1. Book of O’Conor Don c. 1631
Prints:
  1. transl. McKenna, AiD no. 98
Motifs:
  1. Trinity
  2. role of BVM
  3. crucifixion
  4. Harrowing of Hell
  5. legal terminology
Apologue Subclasses:
  1. Noah’s ark
  2. Annunciation
  3. Massacre of Innocents
Meter Vars:
  1. deibhidhe
Poem:

Poem in printable PDF format

Olc an connradh, a chlann Ádhaimh


[McKenna, L.: Aithdioghluim Dána (Irish Texts Society, vols 37, 40, 1939/40), poem 98]


1 Olc an connradh, a chlann Ádhaimh,

- slóigh na cruinne ciontábhaidh

gan é go hurlamh oirne -

cunnradh Dé ’n-ar ndeaghaidhne.


2 Luach an chrú ar ar cheannuigh sinn

ní fhaghann - olc an oirchill!

móide cóir Dé ’n-ar ndeaghaidh

ar fhóir sé dar sinnsearaibh.


3 Tugumar an tlacht neamhdha

i n-íoc aithne an Tighearna;

feall ar a hathair d’Éabha

gearr gurbh fhachuin aithmhéala.


4 I dtigh Dé ní dheachaidh fear

ag caitheamh na gcúig n-aimsear;

gur fhás Muire nír mhithidh

cás na n-uile d’fhóirithin.


5 Is uille ná íoc an chroinn

gach turbhaidh a-tá chugoinn;

ní bhiadh dá mbeath mar do dhligh

leath ag Dia ris na daoinibh.


6 Ón dílinn - dia do ghábhadh! -

téid ochtar [ón] iombádhadh;

do agaill d’uaim na háirce

a bhfuair aguinn ionpháirte.


7 Gá beag dá mealladh meise

is é an t-anam [m’inneise];

mar tá ar a lár a-tú as-toigh;

an chnú nach lán ar samhail.


8 Tar ceann an chinidh dhaonna

re haighneas ní hiontaobha;

ar ghuth Muire a-tá toradh

lá na n-uile amhlobhar.


9 Ní chreidid Íobhail gurbh eadh

maighdean máthair an Choimdheadh;

breith oidhir Dé mar dearar

is doiligh é d’éileaghadh.


10 Do ghabh ó Ghaibhrial aingiol

inntinn nacharbh éadaingion;

ní dhearna neamhógh dhí ag dul

an rí i meadhón a mháthar.


11 ’Na teinnrioth a-tá an chruinne,

coimhling aice is aguinne;

ní bhiam [a-bhosain] i bhfad

ní fosaidh an triall thánag.


12 A-tá ar dteach gan turadh;

is easbhach ar n-átughadh

mé do [choirmfhiuchadh an] chuil

[is] froighfhliuchadh é ar m’anmain.


13 Na toruidh thuiteas d’fheadhuibh

’n-a mbun bhíos a ngeineamhuin;

sgrios na gciontadh nír chás damh

[go fás] iompadh ’n-a n-ionadh.


14 Re hÍosa is ionráidh dá chloinn

cló ’gar cuireadh ’n-a dhearnoinn :

“slóigh an domainse tre dhís

do chóir thoruibhse théighdís.”


15 D’éis na croiche dar cheannuigh sinn

do-chuaidh síos ar chreich Ifrinn

ar réirne do-roighne sibh,

a Choimdhe, ar n-éirghe it aighidh.


16 Ainic mé, a mheic na hóighe,

cách lat an lá thionóile

madh áil meise ná meadhaigh

dod láimh dheisse a Dhúileamhain.


17 Dá mbeise ag buain do thighe

dhínn i ndeireadh mh’aimsire

do bhádar daoine a-tá as-tigh

lá na hÁoine got oighidh.


18 [Dod] bhreith féin - ní foláir dhuit -

a Thighearna, a-tá th’éaruic;

do-ní mé don óigh aighne

cóir, a Dhé, dá ndearnoimne.


19 A Spiorad Naomh - naomhdha an bhail -

id mhac tú agus tú it athair;

is creidthe thú i dtrí rannaibh;

ní bhí an chnú ’n-a codchannaibh.


20 A Thighearna na dtrí slóg,

do bhí - nír bheag dar n-iompód -

an tann do fromhadh an bhfuil

an domhan ’n-a charn críonuigh.


21 I n-uair agra na ndaoine

Muire ag meas a míghníomha;

mór dochar na gcló, a Choimdhe,

mó sochar ar seathoirne.


22 Cóig cneadha ’n-ar coisgeadh fuil

go ló an bhráith biaid oruibh;

dáil do chrú ní hé áirmhe

acht tú, a Dhé, ’n-ar ndeaghaidhne.


23 Rabhadh ó rígh na cruinne

d’éis a chéile chuguinne

taise ’n-ar gcroidhe nír chuir

taise ar-oile ar ar n-aghuidh.


24 Dá bhfaghthar lá a leicthe a-mach

na cionta nír chóir d’fholach,

go nochtuimne dhíobh ’n-a dáigh

síodh ar ar n-olcuibhne d’fhagháil.


25 A ndeachuidh uaidh aithreach lais;

lá an bhráith ní bhiam ’n-a n-éagmhais

na daoine i ndóigh a n-umhla

do fhóir naoidhe Nasardha.


26 Sealbh Parrthais, port na n-aingiol,

fuair siad - fa sealbh éadaingion;

[is] bean fa-deara a ndíoghal

fear Eabha do haithríoghadh.


27 Ceard liosda do leigeadh dhamh

fada ó nach fuaras ceangal

ní sguir [eagar] mar oiltear

ní [fheadar] chuin ceangoiltear.


28 A-tá ag an cheard do chum neamh

flaitheas ar nach fuil deireadh;

ní fhuil is ní fhaghuim ann

i muigh thadhuill acht tamall.


29 Marbhadh na míle leanabh

- téid Íosa ga n-aithneaghadh -

mar inneal ar uan Muire,

truagh milleadh na macraidhe.


30 Fuair Dia mar do dháil a fhuil

domblas aoi tre fhíon arsuidh;

. . . fa-deara an deoch shearbh

. . . . . . . .. . . Eabha i n-Ifearn.


31 Do bhádar Íodhail iomdha

láimh le leaba an tighearna;

do feitheadh an lia far luigh

’s nírbh fheitheamh ar Dia a dhéanuimh.


32 Gan tarbha i dtagra rut

olc sinn ag siubhal chugat;

gan bheith ag fleidh nimhe is náir

leibh gach a ndlighe, a dhomhnáin. Olc.