firstLine"; ?>

1790. Tarla d’Fhionn a aithghin sonn $ al. Coill athfais (.....)
Length: short 16qq (frag.)
Certainty: 1
Period:
  1. 17th early)
  2. 17th mid. (
Areas:
  1. Connacht
Classes:
  1. eulogy mp
Manuscripts:
  1. RIA 540c (C/iv/1) O Maoilchonaire 17th c
Motifs:
  1. Envoi to patron’s spouse
  2. imagery to describe patron
  3. patron’s irresistible attractions for women
  4. prophecies of a ruler
Patron Christian Names:
  1. Feidhlim
Patron Surnames:
  1. MacDubhghaill
Apologue Subclasses:
  1. Macghniomhartha Finn
Meter Vars:
  1. deibhidhe
Poem:

Poem in printable PDF format

Tarla d’Fhionn a aithghein soin [acephalous; poem begins at beginning of apologue. Original opening line began Coill athfháis...]

[RIA 540 (c/iv/1), 171r]

[Deibhidhe, Dán Díreach]


1 Tárla d’Fionn a aithgin soin

ar tteasgadh Cumhuill chosgraigh

gan cás san ógmac dá eis

fás na n-ogshlat dá fhaisnéis.

2 Ar ttuitim thrá dá athuir

lé fedhmuibh Cuinn Cedcathaigh

do bhí a n-uamhailghech fhiar Fhionn

fá iath n-úaraibhnech nÉirionn.

3 Gan einnech ré a dhion do dhol

tar éis oighidh a athor

a ccrích fherúaine bfer bFáil

go fedh enuaire d’f[h]aghail.

4 Mac Cumhuill gá ttamuid de

dá dhion do bhíodh a bhuime

gan chrúas as cás do Bodhmuinn

a ccúas gur fhás ionchomhluinn.

5 An feinnidh ar bfás a nert

ro iadhsat uime a n-aoinfheacht

láoich airmdhiochra nár fhiar breth

fian lainnliomhta na Laighnech.

6 Gabhtor lé Fionn mur fuair me

ardchennos fhine Bhaoisgne

fuair ar-ís d’onóir I Chuinn

sgís gach anshóidh dar fhuluing.

7 Cosmhuil bhur n-airrghe a Fheilim

lé Fionn an fhuilt úircheibhfind

ar íath sáor fonngrenta Fail

do thaobh oirbherta d’faghail.

8 Cuirfi(r)-si mur do chuir Fionn

ar ógamhsuibh fhían Eirionn

a p[h]ailm shaothuir shiol cColla

díon ar laochuibh Liatroma.

9 A thaibhgeóir ceirt do chinidh

a dhraig díchuir aindlighidh

a ttráth coimhfhillte don choill

a bhlath doimhillte Dubhgoill.

10 A chosg dían gacha docra

a rún baincheann bantrochta

a shéd daoroinigh na ndrúagh

a gheg chaomhoirir chrannrúadh.

11 A bheadhgadh na n-inghen n-óg

lér fíoradh fáidh a-nallód

a rún gliadh dathcuimsi dil

a thriall atuirsir dh’ainnribh.

12 Líonfuidh tusa do thoradh

a phailm as úr aipchogadh

do chrú Colla dúasuigh dil

cronna cnuasuidh san choillidh. Coill athfháis...

13 Inghen Bhasga na mbas mbog

ní hoirchios dúin a dermod

aghoidh cheilidh gan chlódh n-anmas

lón gach einfir ealadhna.

14 Anusdás na mbriathor mbinn

serc gach ógain ’na intinn

sdúaigh ríoghamhuil na rosg mall

is cosg d’fiorfhoghuil eachtronn.

15 Cuirfidh sí le hiomat iúil

is d’f[h]ogaibh (?) f[h]uighleadh ttaidhiuir

sdúaigh fholtúr gan éra um fhleidh

séla an fhortún dá hoidhribh.

16 Gég thoruidh as buaine bladh

intliocht aigein na n-ughdor

labhra chiúin ar fhedh n-óla

ben an iuil as ionchora. et rel....