firstLine"; ?>

1809. Teallach feile Uibh Eachach $
Length: long 36qq
Certainty: 1
Period:
  1. 16th ult
Areas:
  1. Ulster
Classes:
  1. eulogy mp
Manuscripts:
  1. RIA 1080 (B/iv/2) Micheal O Cleirigh 1627-8
Motifs:
  1. qualities of patron’s character
  2. comparison with all others
  3. Bearla na bhfiledh?
  4. patron’s liberality to poets
  5. patron too honourable for satire
  6. persecution of poets (by English)
  7. War with English
  8. Fertility under true ruler?
  9. allusions to Ruaraiocht
Poet Surnames:
  1. 177 mic Fithil do sgriobhus? RIA 1080
Patron Christian Names:
  1. Aodh mac Domhnaill (an Feardorcha)
Patron Surnames:
  1. MagAonghusa fl. 1585
Apologue Subclasses:
  1. banned poets protected by Ulstermen
  2. Ollam Fodla takes Tara
Meter Vars:
  1. RannBheag
Poem:

Poem in printable PDF format

Teallach féile Uí Eachach

[RIA 1080 (B/iv/2),155b; Published from this ms by K. Meyer ‘Ein mittelirisches Lobgedicht auf die Ui Echach von Ulster’, Kgl. Preuss.Akad. der Wissensch. Sitz.-Ber. 1919, 89-100]

[Rannaigheacht Bheag, Ógláchas]


1 Teallach feile Uibh Eachach

drecht as letan do sioladh

an dano gan ach cermnass

at lir fealmaic dia morthar.

2 Gell feile gacha tealloigh

feibh boi ’ga senaibh rompoibh

a-ta a-nosa ag Uibh Eachach

ni teit tethro ’na mbronntoib.

3 Ni tardsat uile Gaidil

riamh dia mainib a urdail

a tardsat Ulaidh fire

feibh (amhail) fil i scribnibh ugdar.

4 Mag Oengusa ri an tire

ar lorcc a line reimhe

ní thuill a gruaidh do goradh

imdha ollamh dian seise.

5 Fath far lámhoigh an tAod-sa

beith re daonnacht do shonnradh

ni clos dó go raib freiscri (.i. toibeim)

riamh ar fhéile na nUlltach.

6 An tan do-beirtí fogra

do cliaraibh Fodla a-nallain

no teigdis Ulaid[h] d’forgla

go hor romra dia n-astadh.

7 Laigin doibh o ro dlomsat [.i. diultsad]

fir Connacht is fir Uladh

fo bit na bfileadh d’fastad

do leth alladh ufer nUlad[h].

8 Dia mbeith don nos a-nallain

athcor ar an ord éiccius

oidhir Ollaman Fhótla

a mbeol bochna nis léiccfed.

9 Nocan fuil ar seilbh éicsi

o Báoi Beirre go hAlboin

neach nach tudhchad[h] dia tholach

geinmothá osgar amhrois.

10 Mag Oengusa ní faghair

a hsamhoil d’oirigh échto

mor ufect tucc an dú namat

mur n-áladh ar foir éccrat.

11 Tuar focraice dia anmain

feib don fall na Uib Eacdach

do-beir riagh don áes fogla

do-beir tomra do tetraibh.

12 Mag Aengusa ni imgaibh

a bidbaidh a ttrath tochair

mor n-uair do-rat dia sethnaibh

colt do tetraibh dia tomhailt.

13 Ollamh Fotla mac Fiachdhach

les cetna tiasco feis Temras

is uad ainmniugad Ulaid[h] [156]

ri dar umhal iat[h] Ealgo.

14 Tuccait eile ara ndebrad

an t-ainm cetnu fri suidibh

oll a saith don ord filedh

tar gach gcined d’foir Fhuinidh.

15 No is aire is-rubrad Ulaid

na quraidh fris claid catha

loa liath uma smecho

dia ro mheabaid[h] cath Macho.

16 Mar n-ollaman dos roguib

sa raith rotgloin os Breagmaig

is cairt fuirre dia aicme

denam a ailte i Temhraigh.

17 Mad dia necma nach ceall- (?)

do hsenadh a lath ngoile

lor dia n-ergaire ar iascad

nicon fiastor fri ar-oile.

18 Nícon scara nach aighe

acht con taide a tuatas

itir hsom (?) 7 domo

a choma nirsat guacho.

19 Ferr a choir gan a thoebad[h]

na toebhat Aod mac Domnaill

conach beith troigh mná trogain

for a ccollaib dia tograim.

20 Tucc Qu Qulainn ainm teimhen

air d’Eimir aga tochmarc

bhís ar óedh i n-uair fhedhma

nuadh tedma tath- (?) cona.

21 Damadh leis righe an cuiccidh

do bi ag duisib Clann Rosa

do-bheradh d’eicsibh uado

ar omhan Ruamna Rosa.

22 Is fó na treidhe flatho

fil ago gan nach n-imral

bi fri hidhnaibh go hidhan

bi go h-ingar fri h-ingra.

23 A fhír flat[h]a fo-dero

tola n-etha ar gach n-indra

is dia coicert ran righdha

at láno líno o innbath.

24 Na hí for-comat riaguil

ni tabhair riaghadh orra

na hí bíte fri handgaibh

fo-cerd i n-adhboidh n-othna.

25 Sin Morainn mar no tachrad

’mo b[r]acat a lo dalo

as cuma condo-certo

don tí at cechra sceó námho.

26 Ni tucc d’echtres no d’oenach [156b]

na do coemhna na dh’innemh

an sainsearc tucc an t-Aod-sa

do teinm laogho na ffiledh.

27 Imdha fili ’ga ffogloim

catha is comlaind a ccuradh

ara binne la flaitib

sgela gaiscidh fer nUladh.

28 A beth taobh re hUib Eachach

ni budh breth fessach eolach

madh dia ffagbad Oedh comhtrom

ó Conall is ó Eoghon.

29 Frit bert fris as tuar amraith

tonn anfaid as í a samhoil

con-buich bron for a biodbaid

fris an irgail ni hantoir.

30 Ar gniomaibh goile is gaiscidh

ara aichre a mbern gaboidh

to-muinter are chatho

go mbi dalto do Scáthoigh.

31 A nIbh Eachdach re a reimhius

ni leicc breislech na borbgail

nicon reilgi a hiath aidhben

cúan no caibden dia horgoin.

32 Ar a clú ní léig teimheal

faill ’na einech ní leigenn

mor an buaidh do fhior dorcha

sorcha athda ar fhedh Eirenn.

33 Dol ar mairc gan all n-aighi

as tairgsin áirmhe ar nionaibh

dol ag coindeilcc fría fheili

coimius feighi fri rionnoidh.

34 Clanno Rugraidhe an riograidh

dus-rala a gcriochaibh cianoibh

gan iat ’na mennat ceisni

fot-ruair feirtsi don Niallfhuil.

35 Clann Ceir is Cuirc is Conmaic

’na ccaoir comraic da mbeitis

fa Mág Áongusa as menann

go madh leo a ferann feisin.

36 Na tri clanna sin Ferghois

is clann an Chernoigh Chonoill

na secht Laoighsi is na soghoin

ni budh cobuir gan chondailbh.