Bardic Poetry Database

[McKenna, L.: Dán Dé: The poems of Donnchadh Mór Ó Dálaigh, and the religious poems in the duanaire of the Yellow Book of Lecan, Dublin, 1922, poem 1]

Tadhg Óg Ó hUiginn

1 Aithin mé dot oide a Eoin

mór baoghal breithe Micheoil

ní bheith gan eire m’aithne

do bhreith meidhe an mheasraighthe.

2 Mór a fhearg ní hiongnadh dhó

do chaithfinn m’aithne d’Íosa.

gan fhior sgeoil éigin as m’ucht

a Eoin ní héidir mh’fhurtocht

3 Déana dot oide ar n-aithne

gabh chugat mo chomairche

a Eoin Bruinne bí ar mo chuid

ní as uille ná mar iarrmuid.

4 Dul don tigh i dtá t’aithne

agus méad mo mhearaighthe

ní fhéadfainn a Eoin Bruinne

gan réaltainn eoil aguinne.

5 Ceannach an nighei-sin ar nimh

tabhair oram ar éigin

ná heirg i gceann áise a Eoin

gá fearr m’áis-se ná m’aindeoin

6 Ná tí díot gidh deacair sin

m’fhulang gan iris creidimh

ná tí dot oide a easbail

ní as fhaide iná ar fhuilngeasdair.

7 Tighearna tighe nimhe

i n-éaruic a oirbhire

dá rabh im aghaidh a Eoin

labhair dhamh ris an Doirseoir.

8 An t-asbal do áirimh mé

do mhuinntir Meic na hóighe

is an lucht fhuil gan áireamh

cuir as t’ucht dom fhuráileamh.

9 Tú easbal do b’annsa leis

a-táthair ort ’gá aithris

acht gér ionmhuin gach easbal

’n-a iomdhaidh rod aileasdar.

10 Seach na heasbalaibh eile

do bhí t’onóir d’áiridhe

do leigeadh sé a rún rut-sa

a ghlún do b’é th’adhart-sa.

11 Gur bh’é Iobhas as fhear braith

duid do innis an t-Ard-fhlaith

ní uime mar gach n’asbal

Rí an chruinne do chanasdar.

12 Is é so comhrádh do chan

uan Muire i measg na n-easbal

cionnus libh dá mbeath dom brath

neach is tigh ar mo theaghlach.

13 Rí na ndúl a-dubhairt ruibh

nach biadh acht éanlá eadruibh

dia Céadaoin re n-a chrochadh

do éagaoin Dia an dealochadh.

14 Éigin dó dealoghadh ruibh

deacair lat gan a leanmhuin

níor dhocra lat iná lais

a mhac ochta ’n-a éagmhais.

15 Tú do lean fa dheireadh dhe

tú fhuair Íosa a Eoin Bruinne

gan acht éanógh ré aghaidh

ar n-éalódh dá easbalaibh.

16 A héisdeacht níor fhulang lat

guth na hóighe ré héanmhac

an truagh lat ar Moire mé

gan mhac oile dot éis-se.

17 Mac ar seathar leath ar leath

dán hainm Eoin ar Dia dúileach

beir lat a Mhoire an mac-sa

mar mhac oile im ionad-sa.

18 Dá adhbhar a Eoin Bruinne

nar bh’ iongabhtha aguinne

tú it sheise dhéidheanach dhí

d’éinfheadhach meise is Muire.

19 Cúig chéadfhadha mo cholla

a-tú i n-éigin eatorra

a éan coluim ar cheannsa

féagh oruinn san éigean-sa.