firstLine"; ?>

193. Aithnigh an gcrich-se a Chlann Neill $
Length: long 40 qq
Certainty: 4
Period:
  1. 14th mid
Areas:
  1. Meath
Classes:
  1. eulogy mp
Manuscripts:
  1. BL Add. 19,995 15th c.
  2. Francis. Lib. A25 B. MagNiallghuis 1610
  3. RIA2 (23/F/16) O’Gara MS 1655-9
  4. RIA1387 (23/O/78) UillR. MacCoitir 1723
  5. RIA 3 (23/L/17) S. O Murch. na R.1744-
Motifs:
  1. imagery for patron
  2. patron aithghin of illustrious ancestor
  3. poet-patron relationship
  4. ‘caithreim’, reference to a battle [at Trim?]
  5. hosting, sluaigheadh
  6. War with English
  7. English conquest of Ireland
  8. place-names used for ornament
  9. agriculture
  10. gaming
Poet Christian Names:
  1. Mac Cearbhaill Bhuidhe Add. 19,995, A 25,
  2. Maolmhuire RIA 1387, RIA 3
Poet Surnames:
  1. MacCraith
  2. O Dalaigh RIA 2
Patron Christian Names:
  1. Art mac Cormaic
Meter Vars:
  1. deibhidhe
Poem:

Poem in printable PDF format

Aithnidh an gcrích-se, a chlann Néill

[Franciscan Library A25, 168]

Mac Cherbuill Buidhe Uí Dhálaigh cecinit [in later hand] .i. Sgolb is Érinn [in different later hand]

[Deibhidhe, Dán Díreach]


1 Aithnigh an ccrich-si a chland Neill

fada a-táthaoi gan toirleim

cia an claidh-sin can don gholl-sa

toimsidh dhamh an doman-so.

2 Gan [mh?]úr chloiche an cumhoin libh

mac samhla an fuinn-si d’faicsin

[c?]iobhsa cladh arna ccomhar

fa[n] magh bfionn-sa an bfacobhoir.

3 Do chondchapphair gan chloich bFáil

an fhaighthei-si chland cColmain

gan an ccluimh-si an cumhoin libh

fan ttuloigh n-uir-si d’fhaicsin.

4 Créd bhur ccuimhni caidhe a dath

da bfaiciodh sibh slios Teamhrach

nach [.............?] aoil claighthigh chuir

no an aithnidh daoibh bhur nduthaigh.

5 Caislena geala Galldha

urre d’eis bhur n-iondarba

gan druim faighthe gan crios cclach

gan lios d’aithni gan aonach.

6 Isle a múir is mét a clach

bheirios úaim aithne Teamhroch

brat findfheoir truim da tighe

indeoin Chuinn is Chonaire.

7 Andamh do threabhtháoi an tulach [169]

glor na n-oiriomh n-allmarach

tuirsioch gach croidhe do-chluin

fa Uisneach Mhidhe ar madoin.

8 As e sud morchlar Midhe

a n-aindriocht fa ainbhine

buighne Gall is eolaigh air

a dheoroidh and as urroidh.

9 Gidhbé uaibh-si car ad-cheath

brugh Mhic an Óig(h) no Uisneach

slán don bruigh-sin do-bhéradh

clar Uisnigh ni haithenadh.

10 Codhal do-chuaidh dar cuimhne

Ath Truim tulach rioghbruighne

Ath Luain nocha doilge dol

uain tar cuimhne no Codhal.

11 Faighthe Theamhrach dhá treaphadh

a doirrsi ’ga [n]duaithneaghadh

a múir ’ga ccnámh ag céchtoiph

ni nár dhúin mar dhíghéltoir.

12 Bean a míonshnúadh do mhúr Cuinn

a Airt Mhidhe I Maoil Eachloinn

boing a ccailc do na clachaibh

a Airt i Chuinn Chedchathoigh.

13 Cuimhnigh mullach Uisnigh dh’ár

cuimhnigh an brugh do bhranar

síol branoir bruighne dhá chod

biodh cuimhne ar fhaloidh agad.

14 Dlighe a mheic na mna Gallda

Goill a hUisneach d’ionnarba

gein d(d)e[n] fein a bhoigchneas bhán

scoiltios go léir an Leamhán.

15 Ni budh hiongnadh a fholt cam

um Ch[nu?]co no chnoc bFremann

dod ghnúis neamhdhuibh ghairthe ghil

aithne ar Teamhraigh no ar Thailtin.

16 Teamhoir tugois-[s]i a gáphadh

fuarois Fodla a n-iombathadh

rugois a Airt ar a heirr

tugois asa hairc Eirind (Eirind).

17 A Airt mhic Cormoic Caisil

tóccoibh teagh na Teamhrai-sin

féch an foind-sin Midhe a-mach

a horrsoin tighe Teamhrach.

18 Ni fhaicim ni fhuil go neamh

d’fearonn mar áonach tTailltean

samhoil Atha ttairthigh tTruim

aithghin na ratha o Fhrem[hoinn?].

19 Ni fhuil san chruinne acht crioch Bredh

samhoil do loch luath d’inbher

Eithne is Bóinn is da bheinn

da eithne oir a heineirr.

20 Loch nUar ni fhaca sinde

Loch Leighinn Loch nAinninde

srotha iondalta budh fearr

locha ionganta Eirionn

21 A ri Eithne is aoibhinn doit

suidhe os laimh á lainn airgid

soslaimh óir ar etal tte

[First 3 lines written as 1 line; no fourth line here or on next page.]

22 Saimh lem chroidhe a chath Uisnigh [170]

bur ttionol fan ttuloigh-sin

clair Midhe fa phur macroidh

baidh lem chride a cConnachtoibh.

23 Tiomsuighidh go Teamhroigh bFail

fosdoidh me a mhaicne Cholmain

eagroidh bhur mbruighin san mbrugh

suidhid[h] eadroibh bhur n-ollamh.

24 Do-fhetor me as mor do dhoirr

riom-sa a mhic I Mhaoil Eachloind

gan dola doiph ad deaghoidh

cóir a fhola ar th’fhileadhaibh.

25 Urasa a buain as a bun

fior an droighean ’na dheoroidh

me an droighion os da dhímheas

ni oireaph ar aindileas.

26 Rioghroidh Teamhra ag teacht a bruid

a héintír ni hé(t) thiaghaid

ealbha as gach dún ar domhan

fa mhúr Teamhra ag tiomsughadh.

27 Cland Neill Oiligh aicme mhor

cland Neill Teamhroch ag tionol

cland Cholmáin ’s a ccland a-noir

’na ccomhdháil thall um Theamhruigh.

28 Lamhoch ag laochroidh Mhidhe

d’iondarbadh na hainbhine

tuccsad fáithe róimh raphadh

doiph ga ttáithe ag tiomsughadh.

29 Do imris cluithe ar chath nGall

á i Choncaphoir Cúaland

tugais cophoir do chloind Eirc

Goill ’na n-aghaidh ag imeirt.

30 Nocha dearnadh ríamh róimhe

d’olc fa inis Láoghoire

bur n-easrain fan Midhe a-mháin

a bhile cneasban Colmain. Aithnigh...