Poem in printable PDF format
Alba gan díon a
ndiaigh Ailín
[A. Macbain and
Rev. J. Kennedy (eds), Reliquiae Celticae II (Inverness,
1894), pp. 216-24]
Mac Muiredhuigh
cc.
1 Alba gan díon a
ndiaigh Ailín
oighreacht
Ragnaill na rosg ngorm
mo chor ar n-ég
an da fhersoin
crodh da mét nach
esbhuidh orm.
2 Laoch ler
cothuidhadh clár Monuidh
mac Mairgréide ca
mó béd
ni haghur lé
díoth budh doilghe
giodh é crioch
gach oighre ég.
3 Ailín ler
coisnadh clár Fionnghall
fine Cholla fa
chnes mín
go tainig bás
oighre ó n-Echaidh
nior chás oirne a
ndechaidh dhinn.
4 ’Eg Raghnaill
as an reimh chétna
cennus Ghaoidheal
do ghabh súd
fuair tre ég
urruim gac aoinfhir
géig don
choilligh fhaoilidh úd.
5 Caoinedh
Raghnaill na renn ccorcra
cor mo chroidhe
ni céim soirbh
ge be la is lugha
da egnach
a-ta a chumha a
n-egcruth oirn.
6 Ni ferr fhuilim
tar éis Ailin
oighidh Raghnuill
ni roinn mhín
cinn ar slóigh ar
cconchlann ccuradh
comhthrom bróin
do bhunadh bhim.
7 Cumha na deisi
dáil chomhthrom
cennach duinn ar
dáil a séd
ni damhna
d’faigsin a hardmadh
gabhla gaisgidh
Alban d’eg.
8 Tásg Raghnaill
do rochtain inbhe
d’eis Ailín dob
oirdherc nós
do chaith a ré
rinn a tesdha
truagh nach sinn
do theasda ar tós.
9 Raghnall ar
ndul a ndíaigh Ailín
d’ég einfhir ni
fhuil mo sbéis
rainig a theisd
tar ghniomh Ghaoidheal
ni ceisd diobh
aoinfher da éis.
10 Ainbhreath an
bháis ni bert chothrom
ar chloinn Colla
nar ghabh geis
a ég is a oighre
a n-einecht
gég moirne gan
leirecht leis.
11 Cantar uaim
ret ucht mar eala
a ua Ruaighri na
renn ngorm
mo mhuirn réd
chois a dhed dhaithgheal
t’ég a-nois da
aithfer orm.
12 Do theisd go
brách ar cuimhni
conchlann
t’einigh ard an clú
t’ég ’na cháraid
re hég Ailín
gég nach ráinig
taibheim tú.
13 A cheinnbhile
chloinne Cobhadh
crioch bur
n-aisdir anba an bét
a nderrna sibh
urra d’argain
truma na sin
d’Albuin t’ég.
14 ’Uir gan ioth
a haithle a éga
oighrecht
Raghnaill ni roinn mhion
mar táid ar
ccroinn chno gan toradh
coill da ló
folamh gach fiodh.
15 Tarrla ar an
ghréin do ghlais cumhadh
nar chuir blath
tre barruibh gég
ángadh na síon
ann ga n-iomláoid
griobh barr go
n-ionnmaoid a ég.
16 Na áimser fa
ghormfhonn Ghaoidheal
nior ghuth gort a
ngeall re sín
go fuil da ég as
a aithle
gur bhrég muir a
tairthe ó thír.
17 Crioch
Fhionnghall a n-aimsir Ailín
oirdherc do chách
an céim rug
fuair re ré
treall da gach taradh
dar leam ni hé an
talamh tug.
18 Foisgel agam
ar Choin cCuluinn
’sar Chathfadh
draoi diochra an lén
a cheinél ni
fhuair gach aoinfher
deigheol úaim
sgaoileadh asgél.
19 Cu Culann do
chairdes Ulltach
ollamh Temhra ar
ar thuit brón
an t-ég ar aon ag
a sgarrthain
nior fhét gáol
Chathfuigh do chlódh.
20 Urchra an
éigsi fa Choin Chuluinn
crioch a mbróin
ni beg an cheisd
ni cumhan gedh
cian o thámruigh (?)
curadh ríamh
tarruigh a theisd.
21 Brón
Chathfaidh nior chuirthe a n-iongnadh
d’oighedh na Con
cnes mar thuinn
mar ta mét treisi
mo thoirrsi
d’ég deisi don
chlonn-si Chuinn.
22 Toirsi
Chathfaidh fa Choin Chuluinn
’ga mhes rer ccor
ni ceim tnúith
urchra da gheig
fheinneadh Annla
enfher d’ég ni
damhna dhuinn.
23 Samhuil an
bhroin bhi ar Chathfaidh
crioch na
chumhadh ler thuit sinn
teid a chumha tar
cheill cumtha
’s ni lugha a
bpéin urchra inn.
24 Tar chumha
cháigh do chuir Cathfadh
ceim tar gach
bróin borb an grádh
ránag mar soin
uainn a fhulann
fuair fa Choin
Chulann a chrádh.
25 Niorb ferr Cu
Chulann do Chathfadh
caidtreabh
Raghnaill na rosg ngorm
nar muirn on
chloinn-si d’fuil Fhiachadh
do chuir tuirrsi
d’fiachabh orm.
26 Cu Chulann nar
eitigh iomghuin
eiges Fodla fath
gan bhréig
Cathfadh do
chuaidh d’ég da orchra
geg mar sduaigh
Tholcha nior thréig.
27 Da mesda
dhuinn tre dhioth einfhir
ég na deisi
doirbh an lén
ni faghthar barr
broin ar Chathfadh
am chóir re
sgarrthain a sgél.
28 Ni fhuil ’na
ndiaigh dermad cumhadh
nar chuimhnigh
dhuinn dáil a sét
trom linn a
cclaisdin ’ga ccaoinedh
da rinn ghaisgedh
Gaoidheal Greg.
29 Cu Chulann
feithfeoir na Fodla
feidhm oirrdheirc
an uair do mhair
díon a threabh
tar chach a ccliathaibh
do ghabh gac
tráth d’fiachaibh air.
30 An Cú-sin ag
coimhét Alban
Ailín echtach
anba an béd
ag díon a hoinigh
’sa hardmhagh
gniomh doiligh
d’Alban a ég.
31 Raghnall ar
n-ég tar eis athar
aithris na Con
’ga chnes seng
ag coimhét crioch
chlair na gColla
ni frith dhaibh
orra budh fherr.
32 Eaghnamh Ailín
mar Choin cCulainn
cródhacht
Raghnuill na ruaig ndíon
barr ar bás gach
fhir a oighre
ag sin cás is
doilge dhiobh.
33 Mairigh go
brach búan a chuimhne
cumha a charad
gedh ceim doirbh
d’eg an da
fer-sain d’fuil Eimhir
ni chuir easbhadh
einfher oirn.
34 Tarras a
Raghnuill rinn cumhadh
dod chomann a
chnes mar bhláth
crioch ar a clódh
nir chuir m’urchra
ni fhuil acht
bron cumpta ar chách.
35 Beo blagh a
n-aithle gac aoinfhir
a Ailin nar
iongaimh ngliaidh
ge fíor t’ég is
tu nac tesda
fech do chlú
budh-deasda ad dhiaigh.
36 Lión catha na
chaidtreabh teghlaigh
timcheall Ailín
na n-arm sen
iongnadh e a
n-uaigh ina aonar
’s mar fuair se
an saoghal re sel.