firstLine"; ?>

467. Cian o d’ibheas digh ndearmaid $
Length: middling 29qq (1 q Ir.Texts ii)
Certainty: 1
Period:
  1. 13th early
Areas:
  1. Ulster
Classes:
  1. Petition mp
Manuscripts:
  1. Rawl. B 514 Betha CC, O Donnell pms
Prints:
  1. text E.C. Quiggin, Prolegomena, pp. 44-5
Motifs:
  1. imagery for patrons (croinn mela, leomhan)
  2. praise of personal appearance
  3. irresistible attractions for women
  4. comparison with all others
  5. poet-patron relationship
  6. place-names for ornament
  7. exile, homesickness
Poet Christian Names:
  1. Muireadhach (Leasa an Doill) (Rawl B. 514)
Poet Surnames:
  1. cname only
Patron Christian Names:
  1. Domhnall mac Eigneachain
Patron Surnames:
  1. O Domhnaill d. 1241
Apologue Subclasses:
  1. Colmcille’s exile
Meter Vars:
  1. deibhidhe
Poem:

Poem in printable PDF format

Cian ó a-dibheas digh ndearmaid

[Rawlinson B. 514, 74r]

Muireduch Lesa an Doill cecinit

[Deibhidhe, Dán Díreach]

1 Cían ó [a-]dibess digh ndermaid

ro-m scar re Siúir sibhenbhuicc

risin Sinainn moir maigridh

re Boinn sriubfhainn sriubhaibnig.

2 Nocha dermodainn don digh

Muaidh na S(h)uca nó Sibhin

no Buill an buinne bráenaidh

nar muine ’nar macaemhuibh.

3 No Finn no Drobhais nó Duib

no Sliccidh n-ughaid n-énaigh

no ar mbuime núaidhes Ne[i]ll-ne

no ruaidhes na righE[i]rne.

4 Nó Eithne na n-ecned ngel

no Life leathan Laighen

no Banna no Tuinn Tuaide

no clanna Cuinn Craebruaidhe.

5 Gidh imdha do clannaib Cuinn

gilla ag oirbhiri oruinn

a cíall go ceart no a cuimne

tearc da mbiad ’nar mbethuid-ne.

6 Cóig bliadhna dec as doigh lim

damh a n-ingnuis na hErenn

a suil rinn ní fhuil festa

ó shoin ind ar enmhesca.

7 Rainec me maith an sidhe

saerclann Tiri Tairrngire

ní mé rainec fer bud fherr

ass ead tainec im thimchell.

8 Connachta Dal Cais cialla

Conull Eogan Oirghíalla

sluaigh an brogha ’s na bruigne

uaim ar ndola ar díchuimne.

9 Mar budh eadh as e ar samail

ar an echtra allmaraich

bretha Colaim ceibfhinn caidh

orainn fa Erinn d’fhácbail.

10 Fa-rír do-radsatar Goill

brechrugad ingnadh orainn

Goill dom srainedh tar sál soir

o lár Gaideal do gelladh.r

11 As eadh bud amharus lium

da roisind óca Eirionn

gan m’aithne ag righ ac ruiri

dib a haithli m’amhsuine.

12 Bess nocha bertha a calad

me a Fodla na findchalad

me úaim gan adhradh a fad

sluaig na talman o tanag.

13 Eagail lem croidhe ni cél

da rísainn (Inis no) co sruth Samhér

gan áes ogbad d’anadh rinn

’na caladh fhódglan aibinn.

14 Cach uaim ’ga fiarfaige damh

cuich mé fhen ar tuinn talman

cead fir deroil dím ag cách

am senóir crín gan chonach.

15 Gidh eadh ro fhacbus dar leam

aenóclac d’feraib Ereann

m’aithne do berudh go becht

ar feghadh m’aighte a[e]infheacht.

16 Da mbeith clann aelta Amlaib

[e]adrum ’s a[n] dearg dondabraig

sáilim aithne ar an guth nglan

gan cruth a aighte d’fégadh.

17 Inmain oclaech airm fada

leoman Leptha Díarmada

nar leic orainn orlann airm

Domnall Conuill a comhainm.

18 Conallaig mo chroinn mela

Connachtaigh (a)’s íad m’oideadha

na sluaig fá sech ar m’óigh ann

is suaill nach leath doib Domnall.

19 Do adras ó ais lenaib

Domnall Dúna (ná) innenaidh [leg.finn-Eanaigh]

mala goirmsheda mar Goll

a coimleaba do clechtsum.

20 Da mairedh m’aicned and sin

acam am airdrigh Oilig

g(h)illa an ruisc gormmoill gleghlais [leg. géagghlais?]

Ó Domnaill ni dermedmu[i]s.

21 Ni dermedainn a gnúis ngloin

’ga cedlenmain a Cruachoin

tossac gach beinde buabaill

fa linne ar a leathgualainn.

22 Día dá íc re fholt ródglan

an tres feacht ro-m furfhócrad

bud nemoman dá cul cam

dealogad dúnn re Domnall.

23 Da treicinn an finn fallan

Domnall Dúine Cremthannán

do-beir cend Codhail is Cuilt

mo cenn a comhair ceadfhuilt.

24 Nir chara damh rí remhe

failte flatha Suilige

mar do bínn ’ga gruaidh gelbuilc

do-cím uaim nach indermaid.

25 Ní deirméd écusc an fhir

Domnall Ó Domnaill déidghil

déd ban agus bel corcra

dán trén bágh an banntrochta.

26 Bricht serce a n-urlabra an fhir

gen gáiri ’na gruaidh thibrigh

sduaidh ina dhegmhalaig duinn

os gruaid gelbhamaig [leg. delbh-?] Domnaill.

27 Rogha na ceard an Coimdhe

do cum delb ar nDomhnaill-ne;

snas donn a cúil ’na caraib

súil glas corr fá caemmalaigh.

28 Domnall Indse Saimér sin

mac Ecnechán úa Donnchaid

beithir Fhánad mar Fher nDiadh

ó tanac re headh n-imcían. Cian o...