firstLine"; ?>

501. Coin airdfhiaidhigh Clann Choileain $
Length: long 37qq
Certainty: 3
Period:
  1. 14th ult
Areas:
  1. Munster
Classes:
  1. eulogy mp
Manuscripts:
  1. RIA710 (23/H/25) 1783-5 Kerry
  2. RIA 257 (23/G/24) M.Og OLongain 1795-
  3. Mayn. M1 M. Og O Longain 1818
Motifs:
  1. imagery for patron (seabhach, cu)
  2. nobility of ancestry
  3. comparison with own kindred
  4. caithreim
  5. plunder, creach
  6. War with English
  7. functions of kingship
  8. Hunting
  9. dogs
Poet Christian Names:
  1. Eoghan RIA710
Poet Surnames:
  1. MacCraith
Patron Christian Names:
  1. Lochlainn m.Lochlainn m. Mic Con m.ConMea
Patron Surnames:
  1. MacConmara (& mac Dearbhforghaill)
Apologue Subclasses:
  1. Nimrod’s Tower
Meter Vars:
  1. deibhidhe
Poem:

Poem in printable PDF format

Coin airdfhiadhaigh Clann Choiléin

[RIA 710 (23/H/25), 17r]

Eoghan Mac Craith cecinit do shiol Aodha

[Deibhidhe, Dán Díreach]


1 Coin airdfhiadh[aigh] Clann Choiléin

taoisig na n-arm n-iomdhaghéir

coin chrodha ar chonfoidh gclechta

o(i)nchoín mhóra mhileatar.

2 Coin nach teighchionn do throighib

coin fhiadhoigh gach aonoirir

coin mhera as miolla cerda

gríobha geala gruaidhdherga.

3 Coin leoghanta ar nar luigh fioch

coin chúartoighthe na ccoiccrioch

a ccalma[..]r derbhthoir an dream

ferchoin fhiadhoigh na hÉrionn.

4 C[oin] mhe[r]a ag leanmhuin da n-íallaibhsa

coín fhosda gach aoinfhiadhaig

cui[...] nglaic do tholchoimh Táil

onchoin is ait le hógmhnaibh.

5 Coin mherra a n-ionad feidhme

coin náireacha neimheirbhe

ferchoin soin is ní sogha

coin ’na nderbhthoir deaghmodha.

6 Na créacha neirt do-niad féin

do bhaist ain(i)m ar chloinn Choiléin

[......] roidh mbailgsrianoigh mbreghdha

coin áirdfhiadhoigh oireghdha.

7 Coin leoghanta an fhiadhoigh áird

is e a n-ainm in gach aonáird

gan Gallbhaile ó a [bh?]feirg ar for

ar sheilg damhraidhe Danor.

8 Goill na Fod(h)la fada ó smacht

damhroidh ag dul ar dásacht

ní ria[gh?]oil cham soin acht sén

coin a bhfiadhoigh clann Choiléin.

9 Ní fuighthior diogha don droing [17v]

cóir cendus do choin dioghoinn

leoghain uaisle is ferr dherbhthoir

drem is uaisle d’Éirenchoibh.

10 Lochloinn ar n-éirge a uaille

cú dioghoinn an deaghchuaine

arna thogha a-ta [leg. a-tú?] uile

is cú buna(idh) ar mbarruine.

11 Taoiseach cuaine Chormaic Chais

mac Lochloinn leoghan Durlais

slat nua lé bhferthor [leg. bhfecthor?] bhfiodhbhoidh

ua deghchon on dilionnmhuir.

12 Cú Mhedha fa mer tachoir

baisdedh a shen senathoir

a shenathair Mac cao(i)mh Con

slat shaor medhachoidh Mumhon.

13 Tug an uaisle leath ar leth

leis is tréidhe na ttaoiseach

an da choin or ccenn [leg. chin?] Lochloinn

mo chenn [leg. mo-chin?] fuil fan uasolchoing.

14 Dialloidh gach maith re a mianach

tárroidh clú da cheadfhiadhach

tar a sheilg ní dlegho[i]r dol

leanoidh do cheird na cceadchon.

15 Do-ní ar laocraidh Leithi Cuinn

fiadhach (io)’na bhfaghthor doghroing

do fes buaidh bhranáin Fánod

tuaidh ag gabhail ghiallbhrághod.

16 Sealg nach lugha don leith thes

do-ní ar Ghallaibh gníomh oirches

maith do shechnadar Cliaigh ccóirr

a ndíaigh leathchogadh Lochloinn.

17 Cáirde Lochloinn don leith thuaidh

gan dul tar Eachtgha fhionnfhuar

a dhruim re sreamhoibh Sionda

go cenoibh fhoind Oiliolla.

18 Ag denamh creach iom Chorcoigh

’s ar gach cúil do Chonnachtoibh

mar phort naomh secheanaidh [leg.-eon-?] sin

gaol Í leathEoghain Luimnigh.

19 Gach re bhfoghoil ar chrich Chuinn

is air chrich Oiliolla Óluim

ag siol Aodha thuaidh is thes

craobha do-chuaidh ó choimes.

20 Creach oile (io)na a n-eallach féin

ní beror ó chloinn Choiléin

sa chreach aca a-níar ’s a-noir

slata is Brian ar a mbiodhbhoidh.

21 Baramhó[i]l di ar a daingne

an tír-si ag triath Moghairne

slóigh chathardha da ccor uadh

’sa[n] Tor mhilthardha [leg. nath-?] Nemhruadh.

22 Re cloinn Choiléin ní cosmhoil

an Tor Nemhruadh néallach-soin

acht a ttréithe an trá ro fes

cach re chéile da ccoimes.

23 Neiche na cruindi do chur

sa Tor Nemhruadh nert iongnudh

sduaigh chéatfaidhe da la(i)s lí

ní featfaidhe as éin-ní.

24 A-tá(id) ní dulta da léim

an bés cédhna ag cloinn Choiléin

críoch lígeal da leth sithe

ag díden crech(a) ccoigcríce.

25 Each na bó ní bainter dhi

is tig gach einchreach innte

anfat a mbiodhboidh giodh borb

fíonmhagh nach leantar lethbhorb. [corrupt?]

26 Brígh náduire is ní nert shluaigh

cosnus tóir an T[ui]r Nemhruadh

ní hamhla[idh] do chloinn Choiléin

an [leg. don?] droing tharbhaigh ta[...] dr [...].

27 Ní har an ttír tharla(idh) an rath

as cosnamh don chlár bhraon[ach]

gídh í is ailli go Cliaigh ccoir[r]

acht a ndiaigh laimhe Lochloinn.

28 Ura eagla(idh) fheaghthor doibh

mac Derbhfhorgoilli ó bhregBhóin[n]

do shluagh caon iath (?) cionadhoigh Chais

gidh ionfhaghoil iat ’na égmais.

29 Do bhiadh gion go raibh roimhe

go haonláimh as ionghoili

rath faghla ó Lochloinn go léir

ar rochloinn chalma Choiléin.

30 Iomdha air adhbhor molta

eider aoibh is adhmholta

luadh thrid(h) a-ta ara ttaiseach

le mbíd mná go mioscaiseach.

31 Tréithe a mhathar ’sa mhaith féin

a n-oighre chlann cCoiléins

(i)’s lán do mhaith úir a athar

flaith ó Bh(f)úill na mbrechlachan.

32 Tug leis a ttréithe ’na ttriúr [18r]

buaidh ré a mberor an móiriúl

arna dherbhadh leth ar leth

eidir éagnomh is einech.

33 Oighre Lochloinn mheic Mheic Con

feidm nach urusa d’ú[gh]dor

mac Con Mhara Mhuighe Mhaoin

cor a modha uili a n-aonlaoidh.s

34 A leth do chrú Chormaic Cais

’s a leth d’fuil Eóghain armghlais

na sluaigh-si da bhfuil féine

dá fhuil uaisle aoinphréimhe.

35 Fiorfháidh sheólto shíol Aodha

fiodhbhoidh mar na fíonchraobha

ni clethchranda an choill dá bhfuil

merphlanda do chloinn Charraidh.

36 Oighoire [leg. aogh-?] fhóid na Sionna

marcach mhuighe h(i)Oliolla

diongna mar ghabha an gort

biodhbha agus cára Chonnacht.

37 Seabhac séanamhoil shil mBriain

mac Dearbhfhorgailli ó chlár Chlíaigh

gég chaomh ag uaim an achoidh

nar smuain éntaom anachoin. Coin...