firstLine"; ?>

505. Coir failte re fer do sgeil $
Length: middling 18qq
Certainty: 1
Period:
  1. 17th mid
Areas:
  1. Scotland
Classes:
  1. Other mp
Manuscripts:
  1. Red Bk of Clanranald 17th & 18th c.
Prints:
  1. transl. Rel. Celt. ii, pp. 240-5
Motifs:
  1. messenger brings news to poet
  2. imagery for patron
  3. eulogy of appearance
  4. irresistible attractions for women
  5. poet-patron relationship
  6. Sea-voyage
Poet Christian Names:
  1. Cathal (Red Bk Clanranald)
Poet Surnames:
  1. MacMuireadhaigh
Patron Christian Names:
  1. Domhnall mac Eoin Mhuideortaigh
Patron Surnames:
  1. MacDomhnaill (Clann Raghnaill) d. 1686
Meter Vars:
  1. RannMhor
Poem:

Poem in printable PDF format

Cóir fáilte re fear do sgéil


[A. Macbain and Rev. J. Kennedy (eds), Reliquiae Celticae II (Inverness, 1894), pp. 240-44]


Cathal Mac Muiredhuigh cct.


1 Coir failte re fer do sgéil

a fhir ttangus on tráigh

sgela liom os iseal uaibh

da ttiosadh m’uaill os cionn cháigh.


2 Binne na ceol crot do sgél

a ghilli gan lot gan león

a taoi mar orgháin os fhíon

mas comhrágh fíor do bhi ad bheol.


3 Rom feirde a n-eisdecht rem bhéo

an sgelsin le a ttanag tú

do mheaduigh cert lem gach lá

tenn o ta mo nert a nú.


4 Mo ghenar do riacht am riocht

d’eisdecht réd bhriathruibh go becht

od sgél sídh ni thagruim thort

tribh a-nocht caidlim go cert.


5 Fríth leat do nuaighidhecht náoi

a buachuill is gasda gné

séla ler cengladh mo chlí

sgela on tí ler meadhradh mé.


6 Domhnall mac Eóin cúl na ccladh

rún do sgeoil a gasda ghloin

techt tar chúan iomlán don fhior

cion da iomrágh is dual damh.


7 A thecht slán go hárnadh óg

fáth sin dom mhenmain ar méd

slat a caoimhlios crann nach lub

ag súd m’aoibhnes ann ghom ég.


8 Da fhéchain tiaghaim ar tús

do riaghail ma ghébhaim gnás

me am leim go chadremh gan chrúas

scéim súas re m’aignemh ag fhás.


9 Do chim é ga fhosgladh súl

an té ler bhronnadh mo bhriogh

do ním tar muir d’aithne úaim

a ghruaidh garrtha d’fuil mar fhíon.


10 Cred nac n-aithninn a chúl cas

do dhul re mhaicne do mheas

grádh troiminghen rioghna ó Ros

bos mhiolla dhoinningnedh ndes.


11 Aithneocad féin briathra a bheoil

san déd mar neiminn ar neimh

nach nochtar go duilbhir dhuinn

san tshuil shuilbhir sholta shéimh.


12 Aithnighimsi fhedh n-urchair uaim

an malagh gcert ccumpa gcaoil

giolla saor re a ndecair dreim

san taobh reigh mar eatail aoil.


13 Do aithneochuinn céim a chos

go hathlám ag leim na lios

do bhrég croidhe na mbuadh mbras

glas mo thoile uam gan fhios.


14 Ua Domhnuill mo meisnech mhór

mo sheisi comhlainn rém chúl

mo shéd e da ngabham grádh

mo re lán is m’abhall úr.


15 Mo bile bugha fa mheas

mo chridhisi an cuanna cas

mac flatha air nár foilghedh fes

mo chrios catha an boinngheal bras.


16 Ar n-uisge tobuir nach tráigh

ar n-urra coguidh do chlód

fáth ar mire ar muirn sháor

ar cuirm daor ga hibhe a hór.


17 Mo chloidhemh mo chaoilshleagh chorr

mo thogha Ghaoidheal is Ghall

a ta ag taisgadh a rún riúm

smo mionn súl re fhaicsinn ann.


18 Sinn riamh re duthus ag dréim

do nim as do dúracht dóigh

mo nert ni cheilim ód chím

tríbh do gheibhim ceart is cóir. Coir failte re fer do sgeil.