firstLine"; ?>

611. Da uaithni fulaing fa Fhanaid $
Length: middling 29qq
Certainty: 4
Period:
  1. 16th ult
Areas:
  1. Ulster
Classes:
  1. eulogy mp
Manuscripts:
  1. RIA 475 (24/P/25) L. Cl. Suibhne 16th c.
Motifs:
  1. irresistible attractions for women
  2. liberality to poets
  3. Patrons’ prowess in war
  4. spartan life of warriors
  5. war with Foreigners
  6. Fertility under true ruler?
  7. Mythical allusion (Balor)
  8. allusions to Ruaraiocht
  9. allusions to Fiannaigheacht
Poet Christian Names:
  1. Eoghan mac Gofradha (RIA475)
Poet Surnames:
  1. Mac an Bhaird
Patron Christian Names:
  1. Aodh Buidhe & 553 Toirdhealbhach cl. Toirdh.
Patron Surnames:
  1. MacSuibhne (sons of Aibhilin)
Meter Vars:
  1. seadhna
Poem:

Poem in printable PDF format

Dá uaithne fhulaing fa Fhánaid

[RIA 475 (24/p/25) (= Leabhar Chlainne Suibhne), 73r, p. 139]

Eogan mac Gotfragha Meic an Baird cecinit

[Séadna, Dán Díreach]


1 Da úaithni f[h]ulaing fa Fhánaid

úrra a híomc[h]air as [s]iad sud

terc a ngleó as cúirthi ’na gcaraid

leó go lui[l/b.]i [leg. luighfe?] an F[h]ánaid úd.

2 Clánn Toirrdealbaig do thúr deabta

díomda núa do nochtad leó

cur gíll rea bfogal nac bfuighid

do comar (?) fhínn cui[r]id ceó.

3 Te[i]st lér cuired[h] a gclú troda

ar Tóirrdéalbac teid on ágh

a nderna Áodh Buide á mbernaid[h]

ráon ni fhuighe a léabraib lámh.

4 Díol ’na gcomhair ag crú Suíbhní

secna a criche nir chlecht sgol

is aitnid[h] dóibh dáoire ollaim[h]

fóir Dáoile do chongaib[h] crodh.

5 Sealb óigrechta Fhínn mic Cumhaill

do cloinn Toirrdealbaig teid sud

fedh an áigh nirb facain tnudha

cáin a n-achaid[h] Una ud.

6 Ferrdi fer a fuiglib[h] cuirme

ar crich fhoghla mar fhuair brath

bruit da mbuain a deired[h] datha

do deibed[h] shlúaigh Macha a-mach.

7 D’eis a dtocair re toir Danar

ar an dith as decair rún

imdá d’echtaibh o fhóir Dhoire

nac denter dhoibh oile a n-úir.

8 Cur ré clú na Con-sin Culainn

’sa cliataib[h] (?) ni cunnrad sáor

échta Chon cosnaim[h] na tána

cosmail ar gcor ágha is Áodh.

9 Gan dóigh áirmhe ar esbaid thíre

ar Toirrdhéalbac[h] an trath rug

terc lé tóir on béirn da mbeirtib[h]

féidm am [leg. um] nóin a teintibh tug.

10 Méd a úalaig ré héadh gcomlainn

do cuir a gcúirm cunnrad[h] dáor

beirn do thigh do thes eigin

mes ar dhigh nárb éidir d’Áogh.

11 Gérr etorra eachdra cl-.i (?)

clann tSuíbhni na dtachar te

ina [leg. má[s]?] beg lé féin Fhinne an t-áoidhe

do-rinne féin dáoine de.

12 Diúltadh comh(i)adh ar cirt ainuil

ínntlecht núa do-níd re mbeirn

admaid fíacha nach fuil orra[ibh]

d’fuil fiaca (?) go bfogh(t)air feidm.

13 Fillead[h] a gcen go crith mbíodhbad[h]

bíaidh ar-ís ’na a[dh]bar gleó

nochtar cighe ban as beartib

crodh tire go leagtar leó.

14 Fían Tóirrdhealbaig re táobh trachta

go tuinn úatha an t-am fár léig

do crund fhogha dúinn on dílinn

’na lúing tana tírim teid.

15 Do nocht anntoil Áodha Buidhe [73v]

ben fhir leis nach ibhter flegh

táinig gabail dúin don dethaig[h]

d’anáil rúin do betaigh ben.

16 Cróinn troma go dtoradh mbáoghlac[h]

a mbláth ré gcléth (?) cuirid síad

gabail sgáth d’íoghlannaibh t’fhoghail

fáth síoghnamaid[h] ar- (?) íad.

17 Tú a Thóirrdéalbaig[h] d’anntoil ágha

dot h’ogbaid[h] nar admhuis brath

tug do deithbhir a gcenn chéilge

nac beirthir érr mhéirge a-mach.

18 Tig a Áodh do thaisgid[h] lugha

lucht íomta do beith fa bhúaidh

an cest órb f[h]ada t’fér chómhlainn

fedh troda dot fhoglaimair.

19 Cóir nár tóibhgedh lé tóir ndáoine (?)

dháoibh a Thoirrdhealbaig[h] do thuit

ní gnath le moir clágh o chalad[h]

mur soin go lár Danar dúid [leg. duit].

20 Tiucfaid[h] riú do rodáil toirbeart

ar thóir béime brisfid[h] rúaig

ni bí tráigh da méd gan mhállmhuir

cred don dháimh gan ánmhuin úait.

21 Imda bern do bris an fogha

lé fein Bhalair na mbreath saobh

tig ar moir lé fine Fómhra

sine na soin t’ómna [a] Áodh.

22 Col do dháimh ar daoire toirbeart

a Toirrdhealbaig ní tú fuair

fosdar crod agaibh mur ínntlecht

sgol do bhagair imcht úaibh.

23 Créd dob áil da ínntlecht díamhair

nír díon dó da ndechaid[h] tríd

dol ot foghail-si nárb íongnad[h]

fo dhóirrsi ar brugh mbiodbad[h] bíd.

24 Sibh a Tóirrdhéalbaig[h] ré dtachar

gan tocht tar do tsheirci thsuain

da gcuired[h] sin ort an fhógail

tochd do thigh ni fhoghair úaibh.

25 Fios a rúin go raibhe ag bánnáil

brath seirci na silled[h] cláon

a líon cen fa fhíon do áirig[h]

ben ríogh giongur áirigh Áodh.

26 Fían Fhán(fh)ad a n-esbaid[h] tsamhtac[h]

dó tsuighlin (?) orra an t-echt [do-]níd

nún (?) air cur troda da tuagaib[h]

fada o bun re mbúanaibh bíd.

27 Clú do lethnaig[h] on leit thallan

ar Tóirrdhealbac[h] sgáoilid sgol

ní fost grían a gal ’na goire

a blad[h] tár íagh Doire ag dul.

28 Menma ar ollam[h] go híath Fánad

fiú na bronnta beirter úaidh

ni fuighe fher mur fhoir Dháoile

cóir do gheabh an t-áoighe a fhúair.

29 Clánn Aibilín d’ainbreath cl-.e [leg. cléire?]

cor troda go dtéid tar amm

do thabaig[h] an síogh nar sáoilead[h]

go bfaghair díol aoidedh ann . D