firstLine"; ?>

616. Dair tre abhaill abhall tre choll / al. Cionnus rachad...
Length: middling 17 1/2 qq
Certainty: 3
Period:
  1. 13th early
Areas:
  1. Munster
Classes:
  1. eulogy mp
Manuscripts:
  1. NLS Adv 72/1/42, 5r ?cent.
Motifs:
  1. envoi to Sadhbh [ingh. Donnch. I Chinneide]
  2. personal appearance
  3. nobility of ancestry
  4. liberality to poets?
  5. prowess in war
  6. Fertility under a true prince
  7. Mythical and historirical allusions (Lug, Guaire
  8. allusion to Ruaraiocht
  9. allusion to Fiannaigheacht
Patron Christian Names:
  1. Donnchadh Cairbreach
Patron Surnames:
  1. O Briain d. 1244
Meter Vars:
  1. Sneadhbhairdne
Poem:

Poem in printable PDF format

Dair tré abhuill, abhall tré chollaibh

[NLS Adv 72/1/42, 5r]

[Acephalous poem originally beginning ’Cionnus rachad...’]

[Snéadhbhairdne, Dán Díreach]


1 Dair tre abhuill abhall tré choll[aibh]s

ad-chiú a Mumhain

is coll trés an nd(e)e(i)ghdhos ndroighin

clemhnus cubhaigh.

2 Os sé ar ndamhna Donnchadh Cairbreach

cúana an damhna

búdh hiomdha toirches croinn cumhra

tre bhroinn mBanbha.

3 Sgéifidh (an) talamh toirchios fochuin

dar bflait chunnla

sgéifid coillte saora slemhna

cráobha cumhra.

4 Bíaidh a lán i(o)n gach líon tarruing

da tti an lá-soin

gébhaidh gach ben a crios cnúasaigh

d’fhios an fhásaigh.

5 Tiogfa binncheól do bhaoithénuibh

Sionna slimchíach

re gothuibh sáimhi na samhchúach

(i)’s dáini fhinnChlíach.

6 Tiogfa barr cnúais ar gach callchoill

’nar ccrích mbáinghil

líonfaidh an fhiodhbhaidh don úirmhil

ionmhuin áirmhigh.

7 Tiogfa an fíon fionn go flaith cCaisil

nar chlecht mínghlíaigh

maith da ibhe is da fhoghbháil

fini finnBhríain [leg. fínBhríain?].

8 Cosnamh Sionna re slait cCaisil

crúaidh do fhuluing

or ni leigfedh s[o]in an Sionainn

re Coin cCuluinn.

9 Cosmhuil a bhéim re beim Osguir

fan íadh biothfhuil

o dho bhen Osgar da athair

cosgar ciochair.

10 Samhuil a throid

re troid Con Culuinn na ngéirrenn

an lá do-cher in chleth chúilfhionn

[’s] leth fher nÉirenn.

11 Samhail liom-sa lámhach Logha

ris an onchoin

as í an Temhair os na tolchaibh

deabhaidh Donnchaidh.

12 Ionmhuin ucht geal guth a-dubhart

is a-dérum

ionmhuin súil úaini fa n-íadhann

Guaire glémhall.

13 Ionmhuin baisgheal [5v]

bas ríogh Caisil as cruaidh buille

do bhronnfadh glac ghlan an gille

cradh na cruinne.

14 [M?]aith a mhátair maith a athair

iomdha a sorthan

láochdha mer a fherg ’sa anfadh

geal derg Donnchadh.

15 Éire [leg. Eire?] búadha

beres each an chnesbháin chonchair

engnamh is einech do iomchair

deighech Donnchaidh.

16 Donnchadh Cairbrech chosnus Mhumhuin

mer an gialla [leg. giolla?]

lingfid fáoi a guirt [i]sa glenna

’sa huirc fhionna. Cionnus...

17 Cionnus rachad o Shaidhbh Caisil

nar chealg fráoichlionn

a haghaidh lethan sháor súlchorr

cáomh da caoinphioll

áluinn a tri lis fhíar úrthrom

ar da sáoirchionn. Cionnus rachad...