firstLine"; ?>

667. Deise chatha chinn Ghaoidhiol $
Length: middling 19qq
Certainty: 3
Period:
  1. 16th ult
Areas:
  1. Ulster
Classes:
  1. eulogy mp
Manuscripts:
  1. Francis. Lib. A25 B MagNiallghuis1610-
Motifs:
  1. eulogy and description of patron’s clothes
  2. eulogy and description of armour & weapon
  3. War with English
  4. territory as ruler’s spouse
  5. prophesied ruler
Poet Christian Names:
  1. Muiris Og (A25)
Poet Surnames:
  1. Mac an Bhaird
Patron Christian Names:
  1. sname only
Patron Surnames:
  1. O Neill
Meter Vars:
  1. deibhidhe
Poem:

Poem in printable PDF format

Deise chatha chinn Ghaoidheal

[Franciscan Library A25, 139]

Muiris Og Mac in Bhaird

[Deibhidhe, Dán Díreach]


1 Deisi chatha chinn Ghaoidhiol

cuid dar cceird-ne a craobscáoileadh

ler thuill righLeth Cuinn a ccath

firbheach o cCuinn da cnuasach.

2 Gabha[i]s caithfhéinnidh chlair Bhregh

d’fagháil cheannois choig ccóigead[h]

le cáoin moirfhéinnidh Mhacha

tshróillléinidh ccaoin ccomdhatha.

3 Dúnois réla [fh]reimhe Cuinn

a ttús láoi do chur chomhloind

’mun ccneas ccaoin fhóirfeas Eirinn

óirchrios an taoibh thaisshéimhinn.

4 Teagar chuige ar (ar) chionn tachair

beirt chos I Chuinn Chédchathaigh

go n-uaim ndealbhdha ghrésoigh ghlain

Sésoir Eamhna dho órduigh.

5 Iaghois ’s ni huair da dhearadh

’mun ttroigtheac[h] mín meirleabhar

úa réidhChuinn go móid morrdha

da bhroig bhélchruinn breacorrdha.

6 Da sbor aithleadha d’ór dhearg

nar snoidhead[h] ach le saoircheard

le giall troighig[h] [i?] Thuathail

moighidhar go seanChruachoin.

7 Seaca in laoich lingeas bochna

go n-úaim ngrésoigh ngriobhórtha

níor chum lamh iongnadh budh fhearr

ar sál na a bhfhionnmagh Eirionn.

8 Grés go n-órchiomhsuibh bfáinnidh

ndluith ghorimrighin gealmháillig[h]

d’ó Mhuireadhaig[h] na ngníomh nglan

díon ar bhuilleadhoibh biodhbhadh.

9 Órsgabal dlúthghorm daithgheal

Danoir an uair ionnsoighther

brat gualand i Chuinn a ccath

le buing bhuabhall budh baoghlach.

10 Land bhuadha go mbriocht neimhe

cruaidh [................. ridhe]

ag máor chomha chlair na bhFhionn

dom dhoig da ng[oba? .........].

11 Ruc ar mionn sgíamhghlan sgine

sgoithtsed thíre tairrngeire

bean dala cloidhimh i Chuinn

roinimh ágha ara hurloinn.

12 Gabhuis feilm na bhfhleasc n-órrdha

do dhol soir [..................]

rí an tsloidh le ttigtheir a ttroid

go leitribh óir is argoid.

13 Trúaill a ghlac seingmhérach saor [140]

foráois ealtan as órchraobh

cuiris lamhoinn ttais ttreabhraidh

fan mbais n-álainn n-ildhealbhaig[h].

14 Tig ’na dhail le dioghrois ghníomh

éigin d’eachaibh [an] airdriogh

sduaigh bheandchorr shuaimneach sheolta

uaibhreach ceanntrom chineólta.

15 Do bhreith chluiche ar chlár (na bFionn) Midhe

sleadh chródhonn chaor tteinntidhi

ar mhaillbhertoibh chaich a ccath

a laimh tairrngeartoigh Theamhrach.

16 Gluaistear leis a ttos tionoil

guaissheabhac fhuinn Eireamhoin

d’fogra Dhanar tar sál soir

dá scaradh re clar cCobhtaigh.

17 Mairg dhan biodhba(idh) a mbeirn chatha

caithmhílidh chlair fhionnMacha

ag téghadh Theamhra na bhFionn

do redhamh ealbha Éirionn.

18 Mairg milidh is ni [mairg?] scol

mairg tsluadh mairg mbuidhen mbiodhbadh

do-chí a ccaithbhearna o Cobhthaig

ri as aithreamhla d’Eoghanchaibh.

19 O Néill an fear luaightear linn

mithidh dhó drud le hEirinn

sí mur cheidfhear da chárthuin

na leig(h)eadh í d’allmharchoibh.