firstLine"; ?>

673. Dia do bheatha a bharr Chuircneach $
Length: short 15qq
Certainty: 4
Period:
  1. 17th mid
Areas:
  1. Connacht
Classes:
  1. Other mp
Manuscripts:
  1. RIA 744(A/v/2) Dillon Duanaire late 17 c
Motifs:
  1. imagery for patron (liaigh cabhra)
  2. favour with English king
  3. patron’s feasts
  4. poet invoking blessing
  5. liberality to poets
  6. fertility under just ruler
  7. Sea-voyage
Patron Christian Names:
  1. [Lucas?]
Patron Surnames:
  1. Dillon (d. 1655)
Meter Vars:
  1. deibhidhe
Poem:

Poem in printable PDF format

Dia do bheatha, a bharr Cuircneach

[RIA 744 (A/v/2), ‘Dillon Duanaire’, 25a]

[Deibhidhe, Dán Díreach]


1 Dia do bheatha a bharr Cuircneach

a ghriobh fhearrdha fhoghuintioch

do lúach cabhra chriche Cuinn

frithe nach ttarla a tuaruim.

2 Día do bheatha ar bhreith búaidhe

d’imdhídean ar n-anbhuaine

a chroinn eatha as sía sochair

día do bheatha o Breat(h)nachaibh.

3 Failte dhuit a dhreach shochraidh

a chodhnaigh a chobharthaidh

as imdhídean dar dtríal tinn

a n-íagh fhinnli[g]gheal Fheidhlim.

4 Ro-d fia beannachtuinn na mbocht

ro-d fía fáilte na neammbocht

ró-d fía búaidh tsáoghlach tshocra

a chruaidh fhaobhrach inmholta.

5 Meinic fuairsiod fir nár thuill

failte ré hathaidh aguinn

o lucht dailte a chuid chridhe

failte dhuid do dlighfidhe.

6 Má dhligheann neach ní da ni

ni dhlighi(se) dul ar neimh(sh)ni

a liaigh cabhra chneadh nduilidh

fer h’anma dob ionchuirigh.

7 Tú as eusgaidh d’anacul olc [25b]

tu as lugha grain le guasacht

tu as u(a)llmha a ngniom dar ngríobhaibh

a ghríobh chunnla ar ccoimhlionuid[h].

8 T’onóir ó áirdrígh [...] an

sodh chumhdaigh da ccomarson

gér d[u?]al anáir orrtha soin

ré ngabhail tolcha Tuathail.

9 A ccosnamh ré crúas ngoile

dá lámhtá a fhlaith Breaghmhuighe

do chleacht tusa d’fhoirneart áigh

nár usa ó oirbeart anair.

10 A-táid ag togra linne

do mhuin annsa is inntinne

dúile is dáoine a dáilte so

um fháilte náoidhe a-nosa.

11 A-táid fós do mhuin meanma

cealla is énlaith eathearrdha [leg. aieardha?]

ag fíadhoghadh dár bflaith-ne

is cialfhoghar ciúnaithbhe.

12 Tairthe feadh fochain tulach

maighre inbhi[o]r n-íartharach

maidne reóidh reanna nimhe

cealla eóil na haimsire.

13 Dlighid ar son a sochair

filidh iomchuir andochu[i]r

dá madh ní do chniocht (a neal) Chnódhbha

a mbí ar iocht a n-ealadhna.

14 Téda meannchrot millsi a ngoth

briathra feallsamh fúaim lasrach

fada ó a ngoimh bróin do bhunadh

’s gach oigh oil dá fhíadhoghadh.

15 Tar a bfúair ’s a bfuighe soin

anom láoich Leasa Conghail

neamh dá thoil [leg. thal] go ndamhair dhi

amhail ró-d char a(n) C[h]oim(h)dhe. Dia...