Poem in printable PDF format
Diomdhach do
Chonall Clann Dálaigh
[Fraser, J. and
O’Keeffe, J. G.: ‘Poems on the O’Donnells (1200 to 1600)’, Irish
Texts ii (ed. Fraser, J. et al., London, 1931), poem 10; from
Rawlinson B 514]
On Neachtain Ua
Domhnaill, king of Tír Conaill, † 1452.
In Brian Ruadh
cedna (.i. Mac Con Midhe) .cc.
1 Dimghach do
Chonall [Clann] Dálaigh
dimghach ar nach
oirches dlaí
ní ní acht mar do
an ar eneing
an ri is Magh
Feilim faí.
2 A laighed, do
lámadh Conull
do chrich Erenn
mass e a bfhath
ac sin Clar Una
gan urraid
a lán sula
cumaigh cach.
3 Na locadh ge
lesc do Domnall
druim re haibnes
Essa Ruaid
as é a tinnscna
do bud decra
dá tinnscna sé
techta a-tuaidh.
4 Ata ara breith
ge bé aca
uaim a crich nó a
cur da ndruim
fechar an mó
tarbha a thilidh
dó na faghla
Cinidh Cuinn.
5 Ni coir tnudh
re truime a cana
coimdhe an tíri
ata na diaidh
ni mestar corub
mo a tarbha
do no frestal
Banba Briain.
6 Urusa fhadogh
na tenedh
telluch reimpe da
rabh te
in fer bus ri a
ndiaidh I Domnaill
do ben ni da
dograing de.
7 Imdha ri ’ga
raibe Banba
nach bia festa ac
fior da shil
do-gheba Sil
Creidhe comha
bidh Eri gá rogha
rig.
8 Ata a lin an lá
nach ticfa
a timchell
Connacht fa cuairt
cred bud ecail ó
fein Shuca
leca[i]r a ngeill
cuca ar cuairt.
9 Gan gialla ni
dligh Ó Domnaill
a ndiaid an tirí
a-ta siad
bar ngeill dá tig
acht co tuctha
is lib fen a Ulta
iad.
10 Scailtech ar
maeruib mac Grainne
Gaidil Banba acht
co mbed reidh
caidhe fath a
ngiall do gabail
cach ar Níall ga
falair féin.
11 Da radha ni
rach a n-uaicnes
re hoidri Neill
na nai nglas
déna dá ní re
Magh Murbuig
an mar tai no
ullmuig ass.
12 A tathai ó
testa Congal
gan Clar Fodla
fada in fhís
ma ruc uaibsi
leim ar line
uaisli Néill sa
righe a-rís.
13 Ni bía tú do
toil na córa
a crich meic Nesa
ni as sía
ríghaid Sil
Daluigh a ndamna
fa gradhaib rig
Banbha bhía.
14 Da tecma duid
dol co Temraig
an tech bunaid a
mbidh siad
ga ferr deoraid
do dil tathnaimh
sil Eogain na
harthaich íad.
15 Ar cend do
rigtha a rí Bernais
do bí Eri a
n-urlaim Ghall
ge beith nech le
bud áil h’oighricht
nair muna beth
h’oirbirt ann.
16 Na gerr
lubghort na loisc baili
o Beinn Édair co
hÁth Liac
a cruacha cedh
ima scailfe
tuatha Bregh ní
fhaicfe íad.
17 Leabar Sligig
Saltair Caisil
cuid dot
fhiadnaib as e a trath
muna dil sibh ara
sirfe
bidh sin mar
do-cidhfe cach.
18 Ni bía acht
dot ched a crich Banba
gi be fer re fuil
do grúcc
ni ar ecla na fer
foladh
da tecma tegh
folamh fúd.
19 Eistecht re
hadbhar na ferge
fuarais d’umlacht
on fhuil deircc
mar sin tuicthe
trath na celli
tuicfe a háth
fene ara feircc.
20 Damad let ni
lugha a Eri
ó Ath Senaigh co
Sliabh Mis
an nech do smuain
éd red tinbhe
a fuair créd
do-righne ris.
21 Ni tabhair
acht tacha fína
flaith ad tigh da
tí do ruaic
fada sin o hol a
n-aiscidh
is lór an fleidh
d’fhaicsin úaid.
22 Ase a imad
d’fíanaib Bernais
da mbeith fer
nach fuide a díl
minec cedlong
cuain na hErne
etrom uaib ag
erge ó fhín.
23 Ni anfa a
n-adhaig a toili
da tuinn grada is
gerr co nocht
d’fheghain h’uca
iss ed do-bera
dá tuca ben éra
ort.
24 Ar mnaí taidhe
tucc O Domnaill
dechain mall ler
mael a ferc
do thinnlaic ben
a sed suirghe
d’éd re fer
Bruigne Dá Berg.
25 Da ndechaid ní
do díth aithne
enfer gan ríar ó
righ Mis
ní ric a less
damh da decra
les ar an dán
remhpa ris.
26 Ni bud mó nó
med a caithme
Clar Banba da
mbeith fá chin
samail 7 sidh na
héra
a tabhair sil
Énna d’fhir.
27 Nir dergadh re
damhna gotha
gnuis I Domnaill
Dúine Bo
ma do-cí adbhar
ga ollamh
rí Alman ag
donnadh dó.
28 Ferr a crich o
cosc a merlech
mac Toirrdelbaig
ge trom libh
an ní nach al les
o nEchaid
ni bí acht a
rádh, sechain sin.
29 Do cenglad
sidh re slogh nGaidel
ni gar fodhail
d’fhine Gall
boin a muigh da
mbi re bliadain
ni fhuil acht i
ar íarraidh ann.
30 Dith an uisce
ass e fó-dera
dimbuan lín do
linnidh chaíl
an Erne ni hí nar
laghdaig
sí ac erghe re
balgaib braín.
31 A mbruigin
laich Locha Feabail
ni ferr leth di
no leth tall
ag so a dín ar
dimdha an comhoil
imdha dil ar
onóir ann.
32 Gé madh í an
traigh a tech n-óla
ibha tunna sul tí
an lán
O Luighdech
d’fhegain an fína
beraidh fuiglech
dila dámh.
33 Bud leis Boinn
acht ge bé eli
úa na Níall ó
nech ga mbí
cain and rig ge
trom ag toighecht
do dil tonn ré a
oirecht í. Dimgach.