Poem in printable PDF format
Do-fhidir Dia
Cinéal Conaill
[Williams, N. J.
A.: The poems of Giolla Brighde Mac Con Midhe (Irish Texts
Society 51, 1980), poem 7]
1 Do-fhidir Dia
Cinéal Conaill
do chur in
imshníomh tar ais;
táinig tre bháidh
cridhe Colaim
ar fhíne cháidh
Conaill chais.
2 Do bhádar tre
éag an airdríogh
oireacht Éirne in
éigin mhóir;
táinig don chuan
a-muigh macámh
do chuir don
tsluagh bacán bróin.
3 Ód-chualadar a
theacht tairis
tearc éinfhear do
an re a chrios;
fíu le a athair a
huaigh d’éirghe
le sgathaibh
shluaigh Éirne a fhios.
4 Nír chuireadar
Ceinéal Conaill
céill do
Dhomhnall Droma Cuinn;
ní beacht a chlos
leis an gcéidfhear
a theacht go Ros
géiggeal Guill.
5 Do-chuaidh do
chrobhaing an airdríogh
éanchnú fa hairde
ar an chraoibh,
gur líon mogal an
chroinn chéadna
pobal do Chloinn
Shéadna shaoir.
6 Is é súd
Domhnall Ó Domhnaill;
ar ndul as do
fhadógh grís;
do chuir don
ghréin sal na síne,
gur ghabh féin an
ríghe a-rís.
7 Domhnall mac
Éigneacháin Fhánad,
éanchos fhulaing
Innse Fáil,
gabhal tréan re
teallach Conaill
do bheannach béal
Colaim cháidh.
8 Lasair Fhíona
inghean Móire,
máthair
Dhomhnaill fa donn brat;
nochar fhearr
athair a bhráthar -
rachaidh geall
máthar don mhac.
9 Seanfhocal
firínneach fiadhnach:
fearr beagán
clainne ioná clann;
laogh gach bó dá
mbé ar an mhachadh
ní hé is mhó ar
an achadh ann.
10 Ar éanmhac ní
hoircheas ceasacht -
ris an gCoimdhe
ní cóir gleic;
gidh cubhra gach
slat mhín mheasa,
bídh mac nach
measa ionáid meic.
11 An mac bearar
dh’éis a athar
áitigheas
teallach go te;
ré a bhráithribh
nó go dtí i dteimheal,
táirthir ní fa
dheireadh de.
12 Fiacha
Fionnaladh, flaith Éireann,
éanmhac do
fhágaibh do chloinn;
ina leith do
thuathaibh Teamhra
ar mbeith
Tuathail Bearbha i mbroinn.
13 Rug a
mháthair, múinis Tuathal
’gá thógbháil go
teacht a chiall,
go rug Tuathal
Teachtmhar Teamhrach
ruathar neartmhar
seabhrach siar.
14 Torchair leis
in íoc a athar
airdrí Gaoidheal
isan ghreis,
dár ghabh Éirinn
a Muigh Midhe
ar nguin Fhéilim
Line leis.
15 I mbroinn do
fágbhadh flaith Gaoidheal
ar nguin
Cumhaill, - caistidh riom -
fear dár
aithéirigh an fhéile,
flaithfhéinnidh
na féine Fionn.
16 Cormac mhac
Airt, airdrí Banbha,
i mbroinn
d’fhágbháil, dob fhíor soin;
Teamhair Dá Thí
fhuair dá éise;
do bhí in Uaimh
Chéise fa choin.
17 I mbroinn do
fágbhadh flaith Oiligh,
Aodh Ó Néill, gan
ní ’na láimh,
isan tachar ar
Mhuigh Macha
ar nguin athar
flatha Fáil.
18 An mac óg sin,
airdrí Bearnais,
i mbroinn
d’fhágbháil - aobhdha an ghein;
go mbé an ghéag,
a Dhé, ’na daraigh;
a Dhé, rob séad
samhail sein.
19 Ní héidir gan
iomad daoine
ag Ua Domhnaill
Droma Cro;
uathadh ’gun rígh
ó Mhuigh Meadha
tír ris nach fuil
deala dó.
20 Ni hoircheas
cronachadh Connacht
fa chuideachadh
ar Chloinn Néill;
fáilleagán fionn
catha Céise,
lionn bracha
Déise bu-dhéin.
21 Ní córa
cronachadh Muimhneach
fa mhac
nDomhnaill, gidh dámh throm;
mac inghine do
Mhóir Mhumhan
finnbhile slóigh
Uladh n-oll.
22 Gach fear ar
sál suaill nach oide
d’airdrígh
Conaill - is ní cealg -
ó do tógbhadh i
dtoigh Suibhne
toir ógdhamh
Bruidhne Dá Bhearg.
23 Féachaidh bhar
meanma, a mhná Éireann;
ó Fhiodh Gaibhle
go Gleann Róidh
bean a hairdfhine
ní fhoghbhaim
gan chairdine Í
Dhomhnaill dóibh.
24 Do mhnáibh Síl
Mhurchadha a Maistean
re mnaoi
d’iarraidh gidh eadh raibh,
ingheana Cláir
lionnghlain Laighean
ní hionbhaidh
dáibh aigheadh air.
25 Dá sirinn ó
Chuaille an Cheapáin
Cúigeadh Connacht
go Cill Ró,
snáthad chaol
gheal nocha gheabha
bean shaor gan a
deala dó.
26 Maith a
mháthair, maith a athair,
álainn a cheann,
caomh a chorp;
ní fhuil toradh
géige is ghloine;
moladh bréige
oile is olc.
27 Domhnall mac
Domhnaill Í Dhomhnaill,
damhna ríogh
Teamhra Dá Thí,
treabhaidh ar
tuinn oirir aga,
oiridh do luing
fhada í.