Bardic Poetry Database

[Seán Ó Foghlú, Four bardic poems from Leabhar Chlainne Suibhne (M.Litt. thesis, TCD, 1992), poem 4; RIA 475 (24/P/25), ‘Leabhar Chlainne Suibhne’, p. 154]

1 Do sguir cogadh Críche Fánad,

fear dá foirinn ó fuair sí;

ní fearr damhna ríogh ’na rollaibh;

tarla ara díol d’orraidh í.

2 Ní samhthach nach fuair a féaghuin,

feadh treasa go dtánaig róinn;

anaid ón chath sa thuaigh thairngigh,

ar mbuain clach a hairgnibh óir.

3 Iadhuid uime re hucht ágha

Aicme Shuibhne na dtreas dte;

níor leig don ainm gan chur gcomhluinn,

ar ndul ó ghairm Dhomhnuill de.

4 Ar gcor cuarta na gcríoch eile,

éigean dóibh a chor i gcéill,

ní uair cliar a tuaigh ó tánuig,

riar nach fuair i bhFánuid féin.

5 An orra is fhearr le dáimh daoinigh

do dhíol chléir ó tug a thail;

’gus an réir nach uair an t-ollamh,

do chuaidh féin mar orradh air.

6 Do smuain orra re hucht tathuimh

teacht tar ais ní uair go réidh;

bídh go maduin ar Mac Suibhne

bac caduil tre chuimhne ar chléir.

7 An seal céadna ar chrích a athar,

ua Ruaidhrí ó ránuig sé,

a mbladh i gcáraid a chéile;

gar d’Fhánaid ar fhéile é.

8 Gan chlódh ar-ís d’éigsibh Mumhan

ara mhaoinibh gá mó buaidh ?

An chliar do chuir asa bhfiachaibh,

an riar ó Fhuil Fiachaidh fuair.

9 Ní sgéal é ar nach faghthar fiadha,

feadh bearna gi bé do-ní;

áit a bhuinn ar gcur an chomhlainn,

’na tuinn ar ndul Domhnaill dí.

10 Ag tnúdh ré mbladh do bhí an foghlaidh,

fear is déine dhíolas cléir;

d’éis na gcuibhreach do bhí ar bhrághaid,

suirgheach í re Fánaid féin.

11 Gá chor cuarta Críche Fódla,

ní fríoth uadh anmhuin re sín;

léigthear i n-aghaidh fhear ngonta,

sreabh calaidh gá tochta i dtír.

12 Do rith theangadh ag triall ágha,

eagail dó go ndearna ró,

gi bé do gheall cur an chomhluinn,

ar ndul i gceann Domhnuill dó.

13 Oighreacht bhur n-aithreadh sul fuaruis,

fada duit gan déanamh suain;

sgor d’fhoghail sa ghairm do-gheibhe;

soraidh don ainm eile uaibh.

14 Tig bean do bhrath asa huamhan

dá haighneadh an uair nar nocht;

is searc ’na haghaidh ó inghin;

beart le haraidh imridh ort.

15 Má taoi ag tnúdh ris an gceird céadna

ar chor áigh ní fheadar sgís;

iongnadh an riaghail fhir th’anma;

iarraidh sibh na harma ar-ís.

16 Díon is fhearr ní uighthear oraibh,

re hucht troda tig dod thail;

sgiath don chomhaidh do-ní námha,

ré mbí domhain t’ágha air.

17 Níor ghuth dó gan dáil a mhaoineadh,

a Mheic Suibhne na dtreas dte;

do-chí réir uaibh leis an ollamh,

gruaidh ghéill aga donnadh de.

18 Teacht ar hionchuibh re hucht deabhtha,

díon is fhearr uair ar a ghuin;

a lán craoi san úir ód fhéinibh,

a ghlúin faoi gur réidhigh ruibh.

19 An cheard budh chosmhail do thréigean

tú id armuibh re héirghe an ré;

níor dligheadh duid déinimh faghla,

cuid do thréidhibh th’anma é.

20 Gá theacht tar ais ó bheirn bhaoghail,

ní bhí ar éigsibh uain is mó;

cairde ar ollamh go car comhlainn;

is gar bronnadh Domhnaill dó.

21 Ar feadh a chuarta i gcrích Danar,

dé i ngach treoir do thógaibh sé;

fáinne dearg fan tír i dtánuig;

ceard do shín ó Fhánuid é.

22 Nach guth dóibh a ndol ar cairde,

cliar Uladh tar éis a bhfuair;

ní bheir do dháimh ar Síol Suibhne,

díol i láimh nach uighbhe uaidh.

23 Ní taosga crodh le cléir oile

éigse an tíre i dtá dá réir;

fuair a riar gach tráth dá dtánuig,

cliar budh ghnáth i bhFánuid féin.

24 Mac Aibhilín re hucht troda,

tearc éinfhear budh chóir ’na chló;

fabhach rádha go cor comhlainn,

námha fa thol Domhnaill dó.

25 Ní fáth maoidhthe méid a bhronnaidh,

do-bheir do ghach aoinfhear é;

ní fearr bac ar dhuilghe dheóraidh,

go Mac Suibhne seólaidh sé.

26 Dob fhiú an t-aga fhuair ’na geimhil,

an glas teann i dtá ’na dhiaidh;

fad a théarma fríoth i bhFánaid,

’na dhíoth bhéarla ar bhrághaid biaidh.

27 Eagail le mnáibh do Mhac Suibhne,

sidhe feadhma dá bhfuair tail;

is mó is suirgheach téid don thochar,

níor léig cuibhreach othar air.

28 Tug a dhíol diomdha idir éigsibh;

dob usa dó gan a dháil;

minic nach réidh cliar dá chomhroinn;

is béim ar riar Domhnaill dáibh.

29 Ní anaid i n-ucht a chéile,

Críoch Fhánad an uair do-chí,

giodh mall a dtriall ó Fhunn Uladh;

cliar an-unn is umhal í.

30 Sgís a dtreabhtha nach bí ar bhrughaidh,

biaidh ar-ís ’na adhbhar shuain;

fada gur threabh fa Chloinn Cobhthaigh,

ler bhoing fear do tholchaibh tuair.

31 Ag so a leanaid ar luing d’aimsir,

ag ól a fhíona an eadh bíd;

do shúgh sgath an fhuinn fa Fhánaid,

dath ar thuinn ní thánaig tríd.

32 Téid an ceól ar codladh maidne,

mall dá aithle éirghios súd;

neach le suan is-teagh ní thánaig,

re nuall sreabh fan Fhánaid úd.

33 Géag chnuaistiugh do Chinidh Suibhne,

séad ar chléir ní choglann sí;

sí mar ghiall ghabhar le Gráinne,

go bhfaghar riar dáimhe dí.

34 Fuil Ó mBaoidhill na mbeart n-ordhuirc,

ag adhnadh tre ghile a gruaidh,

is crú Suibhne i gceann a chéile;

na buidhne ór fhearr Éire d’uaim.

35 Geall ar dheilbh ag dul go Gráinne;

geall oinigh ní hé nar thuill;

cuireadh a-nú arbh áil don fhilidh;

a clú tar mnáibh Cinidh Cuinn.

36 Pilib agus Iacób asbal,

dá n-agra Dia cóir na gcló,

dom shaoradh ar fheirg a hoighir,

faobhar deilg gér dhoiligh dó.