firstLine"; ?>

827. Eanna dalta Cairpri cruaid $
Length: very long 47qq
Certainty: 5
Period:
  1. 12th ult
  2. 13th mid
Areas:
  1. Ulster
Classes:
  1. Historical
Manuscripts:
  1. RIA 479 (23/P/26) Bk Fenagh 1516
  2. Bodl.Rawl. B 514 Betha CC &poems 16c
  3. RIA 1080 (B/iv/2) M. O Cleirigh 1627-8
  4. Book of O’Conor Don c. 1631
  5. NLI G 131 Cucoigcriche O Cleirigh
Prints:
  1. transl. Hennessy & Kelly,Bk Fenagh, 330
Motifs:
  1. nobility of ancestry
  2. caithreim,list of triumphs
  3. hosting
  4. king’s officers
  5. tribute, cios, cain
  6. legal terminology
  7. historical allusions
  8. fosterage
Poet Christian Names:
  1. Giolla Brighde (RIA 4, NLI G 167)
  2. Lochlainn mac Taidhg Oig (BL Eg. 112)
Poet Surnames:
  1. MacConmidhe
  2. O Dalaigh (“Giolla Caomhan� RIA 74)
Apologue Subclasses:
  1. Conall Gulban’s division of Ulster
Meter Vars:
  1. deibhidhe
Poem:

Poem in printable PDF format

Éanna dalta Cairbre chruaidh


[Rawlinson B.514, Oxford, Bodleian Library, folio 62r; published in W. M. Hennessy and D. H. Kelly, The Book of Fenagh (1875) 394 ff.]


[Deibhidhe, Ógláchas]


1 Enna dalta Cairpri cruaidh

ro gab tir nEnda armruaidh

facbaid an cuingidh a cloinn

a foscad cinidh Conaill.


2 Ge do fagaib Enna a cloinn

a foscad cinidh Conaill

ro treigead iad ’s nir loice

go rei Asla as Tibraide.


3 Cland Eirce as Fergais gan fheill

do treicsead sil nEnna uill

do mhacuibh a mathar mban

do Murceartach ’s do Moan.


4 Ge d[o] fhagaib Enna gan ail

sil nEnna gan uiresbaid

nir gab neac da sil a-lle

tar dail gor gab Tibhraide.


5 Sesca bliadhain truagh an dal

tar eis Enna enechnar

gan neart ’ga shil ’na tír tall

acht Eogan uirri as Conall.


6 Ni bidh coigcrichus fris sin

ac sil Conaill ná Eogain

im tír nEnna ba mór muirn

ar baidh ingine Louirn.


7 Earc inghean Loairn can len

máthair na n-ocht mac mortren

isa sil as treorach tall

ider Eoghan as Conall.


8 Tigernach ba tren a righ

as Feradhach go flaith- (?)

Muircerteach Muan medhach

clann Erce re Muireadhach.


9 Clann Tigearnaigh an taib te

sil Tigernaig meic Eirce

Feradhac fen flaith abaig (?)

o taid cinel Feradhaich.


10 Sil sin na ceithri mac mín

do facc Erc a nEoghantír

sloinnfead daib a-nos gan fhaill

sil mac nE[i]rc a crich Conaill.


11 An Erc isa clanna sin

inghen Loairn a hAlpain

tuc Ferghas mac Conaill cain

í ar crud tar éis Muireadhaigh.


12 Setna Feilimid ro fes

Brenaind as Loarn laimdes

clann Erce dedhlais an druing

7 Ferghais meic Conaill.


13 Nir fhácuib Feilim do cloinn

acht Eogan becc as Colam

nir fhac Brenainn reim gan [leg. go] rath

acht mad Baithin frithcestach.


14 Loarn ba laider a glac

rob uassal primhghene a mac

Ronan athair na mac menn

Colmán Seighin [leg. Finghin] as Laisrend.


15 Na tri meic do fhagaib Earc

gan tsil acht Naimh go naeimneart

Setna aice ré silad

tuath taissech is trenrighrad.


16 Sedna mac Fergussa fail

o fuil sil Setna saernair

cinel Luigdech toir ’s a-bhus

sluag Fanat go firfholluss.


17 Clann Ciarain clann Crundmhail cain

is clann Loingsicch go righaib

as iad sin co ngnimh ngosa

sil Sedna meic Fergosa.


18 Sil mac nErce sin can ail

a tir Conaill as Eogain

olc sen a cairdis bui la

do sil Cormaic meic Enna.


19 Do cuinnigh Erc chomaid caidh

ar a hochtar mac morblaith

ferann fuithe nach frith faill

sil mac nEirc a crich Conaill.


20 Tucsad meic Fergossa di

druim Lighen ar a uaisli

ar a coimhaessi as tir tall

itir Eogan as Conall.


21 Do-rinde a timna re n-ecc

Earc alainn ni himirbrec

a crich do Cairnech míadh ngal

do deghmac a derbhsethar.


22 A heich a or a hetach

a tidhlacad troimceadach

a frestal fos ag fleadaib

uaithe ar macaib Muirethaich.


23 A errad gacha bliadna

mar do bíad beo reimriaghla

as cead da gac crodh iarsin

do Cairnech ó sil Eoghain.


24 Tucsat sil Eoghain an cís

fri re Cairnich gan athscis

7 do radsad miadh ngal

’na diaid re fichid bliada(i)n.


25 Massan as Cassan iar sin

da comarba deis Cairnig

tucsat Druim Ligean gan cain

ar cis Cairnig do congbhail.


26 Tucsad clanna Neill go rath

gan cis gan fecht gan tsluaigad

cid cia ro congbadh gan tsal

cis Cairnig a dubratar [leg.a druim Ligen?]


27 Ferghos mac Muirceartaich Moir

cona cloinn uassail ardmhoir

gabsad an Druim fa cis de

fir Droma iad da eis-se.


28 Do bi an ferand amlaid sin

fri ré sesir genelac

o Enna a-nuas gan laice

go re an tinnfhir Thibraide.


29 Tibruide mac Tnuthaig tric

meic Luigdech is meic Cormaic

meic Conchobhair meic Luighdech luaid

meic Cormaic meic Enna armruaid.


30 Tainic Tibruide a Temraig

fo togairm Asla enghaicch

tangatar an dias bladhach

Ronan 7 Uarghualach.


31 Domnall mac Aedha na nech

se do cuir Tibraide as-tech

do cosnam a tiri tend

do Tibraide a nirt comlainn.


32 Tinoilis Tibruide tren

cinel Luighdeac na laemscel

Cormac Ronan rompa a-mach

Ciaran 7 Tighernac.


33 Coimhergid cenél nEogain

fa Moel Fithrig nar deoraid

fa Conmoel croda gan cradh

fa Dalbuch fa Fearandán.


34 Torchuir Moel Fithrig ferdha

do laim Tibridi Temra

le garbmac Ronain go rath

taeth Conmhoel as Conghalac.


35 Torchair Asla fa garg gail

do laimh Dalbaig puirt Comair

torchair Dalbac sa[n] deabaid

do laim Ferghil (Ferghil) fhinnshleagaigh.


36 Uargaluch as Ronan ran

torchatar la Fearandan

torcair Fearonnan Feabail

do laimh croda Caibdhenaigh.


37 Brister tri catha ar an muigh

le Tibridi mac Tnuthaig

sil Eoghain fa mela a-muigh

as tir Enna gan esbaidh.


38 Do-beart Tibruide gan tar

don triar tainic ’na tinal

o Glais na n-enach n-eidigh

co Druim Mart- (?) na dhetigh.


39 Ruidles Tibraide gan tar

ota Dail go Finn fearlan

o leic Tamlachta go tend

co Cruachan is co Lethglend.


40 Ruidles Assla dar delbuss

o Sruthair is o Bernus

o Bir is o Mhail na ndamh

co Dail do ardghab Asal.


41 Gabsad don taib eli am dail

Ronan Uargaluch armchain

mac d’Uargalac gluair greghach

an cuingid cruaid Caibdhenach.


42 Mac do Ronan Uargus oll

dar(u)o mac Bresal borblonn

mac d’Asla Fingein co mbloid

senathair cloinne Finghin.


43 Sil nEnna ara raibe rath

tucsad do cinel Luig[d]ech

gach dara fód ’na tir tall

gan dín a n-agaid echtrand.


44 Tugsat cinel Luigdech luinn

sochar mor don Ennacloinn

gac tres baili ’na tir tenn

doib an uair bud eisinill.


45 Le cenel nEnna gan aill

drecta rig cinil Conaill

leo san re defer n-airecht

a feiteamh san aedairect.


46 Milchoin cinil Conaill cruaidh

cinel nEnna n-enechbuain

cenel Luig[d]eac go lin nga

muine sochair sil Enna. //Enna.//