firstLine"; ?>

843. Eisd re seanchas Siol gColla
Length: very long c. 53qq
Certainty: 1
Period:
  1. 16th ult (1588)
Areas:
  1. Connacht
Classes:
  1. Genealogical
Manuscripts:
  1. TCD 1340 (H.3.19) 16th & 17th. cent.
  2. RIA 785 (23/G/8) T.O Neachtain etc 1711
  3. RIA 156 (23/D/5) S. MacSollaidh 1715
  4. RIA 154 (23/M/18) S.MacSollaidh 1718-
  5. TCD 1356 (H.4.15) S. Rice 1727-8
Motifs:
  1. internal dating
  2. nobility of ancestry
  3. poet-patron relationship
  4. mercenary soldiers
  5. Hostages
  6. comairce
  7. legal terminology (eraic, fionghal)
  8. earlier authors named
  9. aonach, fair
  10. oireachtas
Patron Christian Names:
  1. sname only
Patron Surnames:
  1. Mac Marcuis MacDomhnaill
Apologue Subclasses:
  1. Three Collas kill Fiacha Sraibhtine
  2. Three Collas: privileges for their race
Meter Vars:
  1. deibhidhe
Poem:

Poem in printable PDF format

Éisd re seanchas Síol gColla

[TCD 1340 (H.3.19), 36a]

[Date 1588 in qt 46]

[Deibhidhe, Dán Díreach]


1 Eisd re sencas siol gColla

mar fuair sinn sa senrolla

a duine lerb á(i)l in t-eol

slán (?) na n-uile fam aitcheo[dh].

2 Na tri Colla nar char sed

in uaisle is coir do choiméd

do-dhen [leg. do-ghéan] iul a sencais sin

triur fa nemhtais [re náimhdibh?]

3 O Maoil Chonaire a gCruachain

fedh óil eider orchuachaib[h]

a shenchas o chiort chubhaid[h]

ag sliocht chennchas C[on]chubhair.

4 O Duibhg(h)ennain is dearbh sin

senchaid[h] mhaicne Maoil Ruanaigh

air ccerd-ne a n-eighriocht aigi

[ferrde?] ndeighslicht Diarmada.

5 Muinnter Cuirnín is cairti

do siol Ruairc in ri-aicme

in chairt-sin ni claon bfesa

ar bfaicsin craobh gcoimhnesa.

6 Biaidh misi ag mo mhuinntir fein

clann Echach Dhoibhleinsa

mar táid na hollaim oile

ag folaib[h] f[h]ai[d? Iugain?]e.

7 Sgribhni na Fodla ar h’fiaghain

sliocht Cholla Uais ainmianaigh

me do thuig treisi a sochar

m[eisi?] is cuid [da?] [c?...]achad[h].

8 [Der?] dom fiachaibh in obair

in tir a ttangodairs

maith gac sgel bhenfus re bun

do-dhen senchus a sochar.

9 Sirid na Colla no cath

ar Fhiachaid[h] airdri Temrach

clair foidshen fa haille dh’eing

in coigedh haighi dh’Erinn.

10 Fiachaid[h] Sraiftine in saoirfer

tuc cath os da chomaoidemh

da toil [leg. thal] do na tri Collaib[h]

rí nar fhan re agollaim[h].

11 Tuitis Fiachaid[h] flaith Banbha

ris na Collaib[h] cathchalma

ger dhoilig[h] a gcer[t] catha

teacht d’oighid[h] in ard[fh]latha.

12 [Mu]iredhach Tirech troigh seng

mar fuair ardfhlaithes Erenn

na Colla eider fhein Alban

nir beim orra n-ionnarbad[h].

13 Ingen rígh Alban gan oil

Aileach fhionnchaomh a mathair

in triar basbhog nar claon cert

do ghabsod da taobh treiseacht.

14 Treabh is leth Alban uile

mur sgaoiles gac sgeluighi

tarla don fhodmaidh aca

ogmadh chalma churata.

15 [Cur]thar teachta druim ar druim

ar cend na laoch o Liatruim

tar in muir n-ardghloin n-enaigh

soir go hAlbain oilenaigh.

16 Marbad[h] Fhiachaid[h] folt na sreth

maithis Muiredhach tírech

dhaibh ar son theachta don tir

ar ndol ar eachtra [on?] airdrigh.

17 An treas cuid da gac coiged

frith leo d’egla in urcoidegh

na tri dregain on mBoinn mbinn

ni sloigh narbh egail d’Erinn.

18 Baile in gac triocha tugadh

dhoibh a ndiaigh a ndernudar

ionns (?) med fhioca na bfer

triocha cead in gach coigedh.

19 Teach [...] baile ni brég [36b]

aca a bhFodla na bhfinngeg

garrdha gacha baile a-bus

tarla ar n-aire ara senchus.

20 [.......................] ach lem

a gcoig coigedhaibh Eirend

dail [mna?] gan ched don Collfhuil

is terc lá nar leghomair.

21 [...fe]chtus no a n-aonach

dar nochtadh arm iolfhaobrach

da n-anair go ham bhfedma

fadháil na lann loinnerdha.

22 An trath nach bid ar buannacht

siol gColla ’sa gciomhchuanlucht

d’imlibh coillgheala clair Bhregh

coinnmedha dháibh do dlighead[h].

23 [Ced?] gabhala giall go grod

taobh maith d’ollamh no dh’esbog

mas fior rádh gacha rolla

a-ta ag siol na senCholla.

24 Ni dhiolaid éraic fhola

acht fuil ’na fuil ionghoile

maith d’fuil chrechtaigh Cholla

a bhfuil d’echtaibh etorra.

25 Cumairce go cend mbliadhna

dlighid do reir roriaghla

cadhas d’foghbhail fa iadh mBreagh

7 orlaim giall Ghaoidheal.

26 Tosach leptha ria luighi

tos foilce a bhfolt bhfionnbhuidhe

da nós tar thighi a tteglaigh

tos dighi eider dhailemnaibh.

27 Ni dlighid broga do bhein

do troighthibh airdrigh a[irm?]gheir

buain a mbrog is diobh dleghar

mas fior ród na righleabhar.

28 Iul craobhsgaoilidh na gColla

trath dha faisneis et[orr]a

[...] me o bhfuighthe in t-eolas

do-cluinfe in te toigeorus.

29 A hAlbain tar ler a-le

gabhsad sliocht Eoin na hIle

sluagh narb éighrinn ar fhéghain

cuan a nEirinn oilenaigh.

30 Saorsliocht spranc- (?) na spor

gabsad cuan a gcrich Ulad[h]

d’eis sheol a long do legadh

gleodh go lonn do luaighedar.

31 Sliocht Domhnaill meic Raghnaill riam

d[o chi]arsad cuigedh Ghailian

meic riogh fa rodoilgi a gcath

is diobh Somhairle siublach.

32 Sithach in dornain derc mall

gabuis nert ni nert cumhang

in curaid[h] fa taibhdeoir thiar

d’aimdheoin a Mumain Maicniad[h].

33 Gabhlan oile reil go rath

tainic fan bfonn-sa bFiachrach

na fir narbh fann a ccosgar

o hsin tall a ttuarusdal.

34 Do gabhail tig a-nalls

Toirdhealbhach mor na madhmann

ar tteacht tar áth na hEirne

do bhen a cach comeirghi.

35 Clann mhor ag Toirrdhealbhach tren

mac Marcais na n-arm n-áithger

in t-iul nach fuair frem Cholla

do-ber uaim a n-anmonna.

36 Aodh Buidhe Feradhach Fionn

Toirrdhealbhach óg da n-armhiom

na tri meic os duinn dleghar

reic a ttri nglun nginealaigh.

37 Mac so nach eider d’fholach

do bí fós ag Feradhach

triur 7 cethrar don cloinn

do-geabhthar a n-iul agoinn.

38 Donnchad[h] Ruadh is Ruadhri Óg

días fa nertmhar a-nallod

ar ealadhain nir bhoing béim

do chloinn F[h]eradhaig[h] iad-sein.

39 Toirrdealbhach Ruadh in ruisg mhoill

Dunadhach is da deghcloinn

in ncr- (?) fa fion dob ferr

is diobh Bhaltar na mbeimenn.

40 Aongus 7 Brian buidhe

da leoghan na laochraid[h]e

roidhne don chaomhchloinn chédna

saorcroinn fhailme fhirénda.

41 Ruadhri mac Toirrdhealbaig[h] trein

cnu [...] nar [t?]oill [t]obheim

craobh lomlan buadha re boing

gabhlan chuanna don crobhoing.

42 Domnall mac Maoil Mhuire moill

a cheilt tar cach ni fhedfoinn

biad(h) fein da gcomroinn on chiort

do freim Domnaill i ndedhshliocht.

43 Da n-anoir do airmhi me

clann Domnaill o iath Íle

mar tá mo cheile cubhaigh

do ghradhr f(h)reimhe Feradhaig[h].

44 Sliocht Ao[i]dh Buidhe fa beacht linn

is da n-anoir a n-airbhim

fer nar chlaon duine ar doman

Aodh Buidhe re brethnoghad[h].

45 G[...] gan esbaid[h] ni fhuil

se fiched glún do ghluinibh

fir na roinn duas re damaibh

o gcloinn suas go [sen?]Adhaim.

46 Ceithre fichit bliaghan buan

’sa hocht eile re iomluagh

mile [’s] cuig cead gan chol

ni breg in duainr da derbhad

o rug in Ogh Mac re mes

dar lat ni hol gan aoibnes. [Date 1588]

47 Sg[uirem?] da sgelaib fesda

a lucht iarrtha in aincesda

doirbh cor re freagra gach fir

a sgol gacha hegna eisdigh. Eisd...