Poem in printable PDF format
Fada a-dearthar
na deich rígh
[Fraser, J. and
O’Keeffe, J. G.: ‘Poems on the O’Donnells (1200 to 1600)’, Irish
Texts ii (ed. Fraser, J. et al., London, 1931), poem 7; from
Rawlinson B 514]
On Toirdelbach an
fhíona Ua Domhnaill, king of Tír Conaill, † 1423
Fergal Ruad O
hUiginn .cc.
1 Fada a-dertar
na deich rig
do breith na
leabaid go leir
go roich an
t-aenmadh dec dibh
.x. righ d’écc a
naemBhrugh Neill.
2 Na .x. righ
airimhtir and
.x. righ as
láindemhin lium
na bídh ar
ainmeabair ann
sil na crann
failmemhail find.
3 .x. fercoin ar
fás ó Niall
nach derbthar
tlás a leth lamh
don droing bágaig
re mbíu ar scel
is frem Dalaig
riú ga rádh.
4 Is beite a haen
nó dó décc
taeb na leice dá
só síad
gerb ferr an drem
fhailid [úd]
gerr mar súd re
n-áirim iad.
5 Gan ríghe ag
duine na ndiaid
’sna huille fa
díri doib
ingnad ri 7 tri
trir
’s gan ri dib ar
findMagh [Fóil].
6 O Domnaill tusa
a taebh nua
nir faemh tussa
rodruim rú
fian Emna dod
reir ní ró
is mo is O Neill
Temra tú.
7 O tainec mac
Neill a-nall
a ngeill nachar
glac an ghill
bróg rochorr gan
buain da bonn
uaid sonn na
cochall na cinn.
8 Colg glas a
tendta gach taib
fa glas cerdcha
colg an tsluaig
lan gach derna
gel do gaib
gelgha na laim re
seal súain.
9 Geill cethra
cóiced ré choiss
óicfher les nach
geabtha geis
téid conlan da
echtra ar ais
as glais grenta
lomnan leis.
10 Le mac an
ceidNeill clu trom
is tu a glac
géicréidh ar ngell
dias fa sénamla
ag snim crann
clann da righ
énanma is fherr.
11 Gluais a mac
is mac do Niall
ni guais deit no
lat do lín
on oired cedna ar
do cul
roibec dunn a
redla rígh.
12 Gluais fá
shamail a guil mhall
gluais ó tadhall
tuaid a-nunn
as í an echtra
anró as fearr
na geall techta
samló sunn.
13 Cuimhnig
Muircertach mac Neill
slat fa
tuilcintach re toir
lé mili do elódh
uainn
d’uaim tiri fa
glémór glóir.
14 .x. ced
tromrígh tainic sunn
dá rainic a
coimhlín crann
ni d’aimsir
echtra dob fherr
grend snechta fán
aimsin ann.
15 .x. ced colg
co cuiri laech
créd nachar borb
uili ar áth
ri fíri do fheith
gach íath
mili scíath da
leith clí ar cách.
16 Mili sdargha
in cech aird íad
mairc tíri re
tarla a ngrúcc
dín dá gach cind
fa cleith nGreg
.x. ced minn righ
oca rúd.
17 .x. ced maince
dualuch dlúith
bruinnte o
gualuch is o gaith
ucht na fer re
cúilleth caigh
sleg áigh is
luirech gach láich.
18 Cochall
seichedh doib fa dhín
an tóir nach
techedh ar cul
gasruidh mer do
glac gach giall
fá mac do Niall
nar gel glún.
19 A cochaill
fene a ló liuch
iman ménne far mó
an t-ith
cor clodh síad
nir chaemhain cloch
iad na both
caelaid ar cith.
20 Seolais ar
Cloinn Cathair Móir
re droing gan
tathair gan táir
ní haighed tucc
asa tír
co rucc ri[gh]
Laighen al-laimh.
21 Teid fa
Connachtaibh ar cúl
Connachtaigh do
léc na lín
ri Cruachan do
gab na giall
cian a bladh on
ruathar righ.
22 Do-rinne
Cormac Clair Mis
mar sloindter ag
cach ré cois
tét úainne nar
labair less
samail dar feis
nuaidhe a-nois.
23 Da gasraid gan
sceinm gan scáth
dar a casmair
feidm is fích
lucht soghnim
tall a dha triath
comlín sciath is
lann is laech.
24 Da dlai dina
Banba Briain
don righe fa
calma céim
tusa an dlai
derinach dib
do deghfidhach
sil naí Neill.
25 Do clu ni
híssel do fhás
mar bud tú
tíssedh ar tós
slighe ó trénmac
Neill im Nás
reidh nar fhás a
ferbrat fós.
26 Sib cuaine in
da conclann righ
comthrom n-uailli
ibh ar aen
Éri rib aga reic
ríamh
meic da Niall ibh
is dá Aedh.
27 Lentar an
tslat fhailid ard
glac do cailsleg
is do colc
bas rinncorr fa
ra[i]mher ferg
derc timcholl
Laigen a lorcc.
28 Ni dleghar
roibreth a rún
san fedhan
Laighnech ga liúdh
sil Feidlim ré
fess an ágh
lamh dess re
hErinn bur n-iúl.
29 Do-chi me rían
flatha fúd
é red ré ni racha
díd
tu fen ar
nEcnechan ócc
fod Neill na
teclethámh tríd.
30 Is tú an
Toirrdhelbach ga tá
toinnBreghmach
mar a taeb núa
cúis fan dograinn
dreim red clú
Ó Domnaill tú ’s
Ó Neill nua.
31 Tú an lenban ó
Leic na Righ
a meic as nemnár
do Niall
íarsma degshil na
ndeich righ
sil a leith ciníl
do chríadh.
32 Cidh nach
bermaís a blath nua
ga fath fa
celmaís do clú
bretha dírghe lat
red lá
is mac mná dar
tírne tú.
33 Breth direch
an Banbha bhocc
agat fhaphra
línech lag
así an Banbha do
táth tuc
cách ag drud na
fagla a fad. Fada aderar.