firstLine"; ?>

884. Fada Fanaid re rath riogh $
Length: long 38qq
Certainty: 1
Period:
  1. 16th ult
Areas:
  1. Ulster
Classes:
  1. eulogy mp
Manuscripts:
  1. RIA 475 (24/P/25) L. Cl. Suibhne 16th c.
Motifs:
  1. envoi to Grainne ingh. Mheic Suibhne
  2. weapons (tuadh)
  3. liberality to poets
  4. prowess in war
  5. harrying
  6. spartan life of warriors
  7. war with Foreigners
  8. fertility under true prince
  9. kingly functions (tathaid, uaim)
  10. allusion to Fiannaigheacht (Bodhmann)
Poet Christian Names:
  1. Uilliam (RIA 475)
Poet Surnames:
  1. O’n Chainte
Patron Christian Names:
  1. Domhnall mac Toirdhealbhaigh & mac Aibhilin
Patron Surnames:
  1. MacSuibhne Fanad (fl. 1570-d. 1619)
Meter Vars:
  1. RannMhor
Poem:

Poem in printable PDF format

Fada Fánaid re rath ríogh

[RIA 475 (24/p/25) (= Leabhar Chlainne Suibhne) 72v, p. 138]

Uillíam O an Cháinte ón Mumhuin

[Rannaíocht Mhór, Dán Díreach]


1 [F]ada Fánaid re rath riogh

ni rath nac tainicc a thuar

a-nois tanaic trath da díon

táth da bríogh ar Fhánaid úadh.

2 Crioch Fhánad aicci ’ga huaim

is f(h)accus a táth don tír

crich ara cobhair do-chuaidh

crich fuair a rogain do righ.

3 Mac Suibne ni fhillfe on ágh

gan imtheacht tar f[h]uighlib[h] druad[h]

taisccter é mur adhbar díadh

gibe d’fhiadh nar hadhnad[h] uadh.

4 Le Domnall ar fhedh an aigh

beg dograind an te re tháoibh

croebh oghaim tarla ’na thuaigh

búaidh faghla is crobaing don cráoibh.

5 A lucht cogaid[h] go cuir fói [leg. faoi?]

ar chomaib[h] (?) ni choisccfead[h] se

Goill a toigh Temra Da Thí

do-chi tre gloin f[h]edhma hé.

6 Mac Suibhne mar héag (?) ni fuair

se fa ainbrethaib[h] duilghi dáibhs

misde do biadh crod[h] le cleir (?)

an chliar fe[i]n do dhol da dháil.

7 Eagail foghla na tri triar

beg an gris le a ngab an gual

tir ’ga bfuil duilghi fa a ndiol

do-chluin siol Suibni na suad.

8 Triath ar cor a comad[h] úaidh

a ndiaigh ar blod[h] d’allad[h] aoil (?)

tairid[h] (?) sin da foghlaim áigh

cain domnaig a-stigh re a thaoibh.

9 Teacht na coille is ’na bein bioss

reir sgoile ni cuirthe a cáss

do ben cronna da choill duass

cnuass re a mboing orra do fas.

10 Siad aige ’na crannaib ciuil

ar madain nir mana súain

do Mac Suibne is crannghal cheoil

eoin bruid[h]ne (?) arna hadhnad[h] úaidh.

11 Ar Fhanaid nac benfa (?) be[i]m

do derbad[h] le ar dhailead[h] daibh

sgel enigh an té re a tháoibh

do sgaoil se a deinig[h] (?) do daim.

12 Fuair aoidhe ’s gan e fa fleid[h]

gibe da máoinibh do mhair

moch do iar a édedh cruidh

ler chuir an chliar d’egen air.

13 Re bfegain a docra dháoibh

at enar ni locfa a le[i]m

moch le[i]bh do anais a n-uaim

ar banais chuaigh da fleid[h] fe[i]n.

14 Cuairt do uaiccnig[h] bruigin mbuidhb

don chuairt-sin do chuiris t’ainm

ga beg sin d’f[h]iadhuin ar f[h]e[i]dhm

sib on be[i]rn ag iarraid airm.

15 Crich a meic Aibilín uaib

fa breth do daighcinidh dib

suil ti t’fian da Fanaid fen

reir nac tanaigh riamh o righ.

16 Righ alltuir fa f[h]edhaib uaib

a ndegaid[h] a labhra lain

tonn an f- (?) nar dom- (?) doibh

ar traigh do thóir omhain t’áigh.

17 Iul rompa go Fanaid fuair

sgol do ranaicc rogha raoin

slighthi socra ad chend ag cléir

gerr goma rein docra dáoibh.

18 Leighis do diommdha re daim

’na hinmadh is demin dóibh

sgol o mbí guin ar do gruaidh

an luib fuair is (s)í do fhóir.

19 Suil dechair a ngar do ghliaidh

red deabaid[h] is gabtha grain

luath le fer nac rann dod fhre[i]m

do ce[i]m mall ar fhedh an áigh.

20 Bro deghfer is daoire diol

ad degaid[h] fa dhaoirsi cliar

bem daib narb omain (?) san agh

ar lar caigh do f[h]olaig[h] th’fhian.

21 Lion curad[h] an oidhchi fhuair

ag siubal le soillsi an riúidh

do-ni giall d’aimlios ar th’fhe[i]n

na íadh fe[i]n ainfios an iúil.

22 Decair buing an datha ad diaigh

a Meic Suibhne d’allad[h] aoil

misde fer an orrtha f[h]uair

do-chuaid[h] fedh tolcha re táoibh.

23 Tucc h’adhnad[h] d’f[h]ogail ar t’f[h]e[i]n

conuir nac faghthar go foill

ingnad[h] brugh Danar fa dhíaidh

ad diaigh a cur rabad[h] róim.

24 Laoich coimdhesa re hedh n-aigh

o mac Toirrdelbaig do theidh

tes a cach le homan uaidh

uair nar gnath gorad[h] sa gréin.

25 Aoincles acc bodhmoinn ni bí

re n-irgail nar f[h]oghloim sé

nói [leg. naoi?] fogha ara fidradh fói [leg. faoi?]

gan nói gona is ingnadh é.

26 Fa mac Toirrdealbaig a-tuaidh

gasrad[h] comraicfes fa chliaidh

ni fállag tarla re dtóir

foir Fhanad a gharrgha a ngliaid[h].

27 Beirid[h] crich gan adhnad[h] uaidh

a siodh do nadhmad[h] im noin

tucc forlann truime sa túaidh

uain buille ar Domnall gur doigh.

28 A toil tar cach cuirfe[idh] a cé[i]ll

gnath don toil dola ’na díaidh

a Fanaid fe[i]ne an fer fuair

ranaig buaidh ce[i]le ben Briain.

29 Nach faghaid a n-ibter d’f[h]ion

rigrad[h] o chalaid[h] (?) a clódh

fion tunna is duilghi do dhíol

siol Suibni is urra re a ól.

30 Dob fiu a fhe[i]dhm tre conuir caoil

a mbe[i]rn nar dholta ’na dhiaidh

re a mha[o]idhim ni hiomdha uaidh

biodhba tsluaig[h] Ghaoidil a ngliaidh.

31 Mac Suibne ni snadhmtuc[h] sídh

le hecla (?) co cuirter cain

ar cora a tairrnge sa tuaidh

cruaidh an t-aigne ar coma caigh.

32 Gell gonta go Fanoid fen

rompa suil tanaig a-tuaidh

sgeoil fuara re dteachta a traigh

le buana cláir (?) Erca d’uaim.

33 Cnuais uirre do comthaib[h] caigh

le a foghtur truime sa tuaigh

beg mas daoire cumad[h] (?) che[i]n

re[i]r curad[h] na taoibe a thuaid[h].

34 Prem chlu da foighegaib fe[i]n

coimed ar an clu-sin biaid

dom cuimne ar blad[h] ’s ar be[i]m

do fre[i]m Suibni a ngar do ghliaid[h].

35 Na honchoin gan riagail (?) righ

comtha ni iaroid re n-ágh

lion cen fa cuirmdigh os cuan

nac geab suan le fuiglib[h] fád[h].x

36 Ingen meic tSuibne do thshir (?)

suirghe ar nac legfe a laim

rí ag fechad[h] ar gheal a gruaidh

fechad[h] uaidh ni hedh dob áil.

37 Clu righbhan a fremhi fen

ag dithlad[h] a mbemi biaidh

ar crodh Grainne is tenn an tóir

ma gerr foir daime ’na diaigh.

38 Tuairidh ferg righna re righ

an deghben is righda re[i]m

decair dion da gonaib[h] graidh

omain ar mnaib ríogh da ré[i]r.