890. Fada is mna maithi mna Mumhan $

890. Fada is mna maithi mna Mumhan $
Length: long 32 stt (=c. 40qq)
Certainty: 2
Period:
  1. 15th mid
Areas:
  1. Munster
Classes:
  1. eulogy wp
Manuscripts:
  1. RIA 1134 (23/E/29) Bk of Fermoy 15th c.
  2. RIA 781 (23/G/5) M. O Cathasaigh 1797-
Motifs:
  1. envoi to spouse: David m. Muiris Roche
  2. eulogy of personal appearance
  3. comparisonwith own kin
  4. lesser arts (cainte)
  5. liberality to poets
  6. patron too honourable to be satirised
  7. fertility in reign
  8. Historical comparisons
  9. echo of ‘Gearr o dob inghill mna Mumhan’
  10. house
Poet Christian Names:
  1. sname only (RIA 1134)
Poet Surnames:
  1. O Maothagain
Patron Christian Names:
  1. Caitilin ingh. Taidhg [O Briain?]
Patron Surnames:
  1. Roche wife of Dabhith mac Muiris
Meter Vars:
  1. RannBheag
Poem:

Poem in printable PDF format

Fada is mná maithe mná Mumhan

[RIA 1134 (23/E/29), Book of Fermoy, 199]

O Maothagan cecinit

[Deachnadh Mór, Brúilingeacht]


1 Fada is mna maithi mná Muman

a mna maithi moltair

mna gan enlocht ar a n-eineac[h]

a ceadbladh do cosnad[h].

2 Mna ’gar dearmad damh a ndeithnes

mna nar fergaigh ollam[h]

ni bhiu ’ga n-airimh le n-imat

na mna(i)-sin do moladh

ni ruca bean tar mnaibh Muman

ga beag daibh a ndobhart.

3 Ag inghin Taidg a-ta a n-inad

damh os aird ’ga osgladh

bregaidh Caitilin do cleachtadh

o aithirthir ollam[h].

4 Ga ben dib is meadh dá maithes

bean ar nac bi cogur

cia is medh da heneac ni fhedar

bean nar eitigh ollam[h].

beith da mnai imtha ’na histadh ?

ni fhinnfa ar craibh Corad[h].

5 Bean nar fed duini do deradh

ni tren uirri acht ollam[h]

is terc bean dibh mar a-duba(i)rt

do shir acht cleath Corad[h].

6 Bean nac iar ath ar an eineac[h]

trath ni bhia ga [leg. gan?] bronnad[h]

gebhuidh ac cuirm craibhi Maisten

cuirn naidi ’ga nochtad[h]

tuc gan cradh d’erghi ’na hoireacht

slat Berri ’ga bronnad[h].

7 Geall re Caitilin da cuirter

Caitilin ’ga cosnamh

in geall beris o mhnaib Mumhan

beirid[h] o clar Connacht.

8 In geall cuires ré crich Laigean

di tuicter a torad

ar teacht na cleri a measg Mhigeac

breath le-si ’ga lomad.

9 Teit a coimmes tar crich Ulad

ni roibeag di a ndobart

ni tugad le habacht eiteach

’na haras ar ollam[h].

10 Ingean Taidg ar tocht na filead[h]

scol is gac aird fhosdus

mar budh moidi in cradh a caithem

slat Boindi ’ga brondad[h].

muna tuc duine nach dlighfedh

guth uirre ni homan.

11 Canfaid misi re mnai Maisten

sibh-si os gac mnai moltair

ni fhuil so ara nert dod neimced

ben do chor ad comar.

12 Aillbi inghean Cormaic cnes roigheal

bean ’gar orrdraic ollam[h]

tu a meadh ar gais is ar glicus

in bean do bhai romhat.

13 Temeal ar do clu ni creitter

tu Emher na n-ollamh

ac so a fuil tort ac Moir Muman

Mor do tocht ar tosac[h].

14 As tu fein is medh da maithes

gac ben dod [fh]reim romat

fuair cainti arna aithne at istadh

failti a n-aice orsan.

15 Tu is airmhighi clu dot cineadh

tu is airni d’ollam[h]

do cennchais ? clú do mnaibh Muman

on clu do fas orat.

16 Sed arna aithne ar a fheabhus

ad baili ’ga bronnad[h]

as inann túset deredh

ni bi ar do clu cogur.

17 Tu fein is oman da athbrath

in sed fhosta o ollam[h]

an ngebhudh bean ele h’in[adh]

is let th’eire d’fostad[h].

do chuirt [...] fhir na n-inad[h]

duinti na righ r[omhat].

18 Aibhinn in tech a-ta agat [200]

teach gan cas a cogad[h]

bruigean tirm buaballbhlaith bleigeac

tuaruscbail Cinn Chorad[h].

19 Is uathad[h] ben aga mbraitter

tech mar Cruachain Connacht

raith na hEmna is meadh da mhaithes

in tech dearbhtha a-dobhart.

20 Teach arnac bi esbaid[h] fhilead[h]

an teach-sain do thoghus

ni terc eices isin istadh

tech na n-eces d’f[h]ostad[h].

21 Teach a rua muirer na Muman

bruigean na cuach clochach

rath is uaisle ana gac istadh

nac buailfe dam dorus

tocht tarin tegh ni budh tuirseac

ac nac beg do a ndobart.

22 Ticfat tar cuma mna Maisten

cuma na mna molfat

da rosg glasa do ghael Echach

mala cael nar comadh.

23 Fuair o Corc da n-agra aiseac

in folt casta clogac[h]

ni nar don taebh asa tugad[h]

in tract na in taebh solus.

24 Fuil Eimhir san ucht do haithneadh

d’Eimher tuc a thorad[h]

d’fuil Mogha Nuadat do nigeadh

in gruad-sain nac gontar.

25 Do gealad[h] ? le cas ni celeabh

in bas sheda sholus

ma a-ta ar geis Emhna ni fhedar

beim ndealba acht mar dobart.

26 In cuid is aibhne d’iath Mumhan

in t-iath faiti is follus

in crich fa lai na lerg slaitgheal

a sealbh ac craibh Corad[h].

27 Caille in Druagh asa dual coimmes

buaidh gac criche cosnus

a-tait ar-aen fa mnai Mhaisten

cis in da taebh togbus

imdha [b]albhshruth san iath idhan

on tarbac[h] cliabh Coradh.

28 Budh dimbuan ar techt don tesbach

sreabh indfhuar fa fhothlacht

beiridh teas gan fhis o eathar

sribh ar teact a tobar

le tic do blath fa mnai Maistean

ni nar do craibh cromadh.

29 Ni don tir a-tam ’ga thuiremh

ga ttam di acht a ndobart

esgaidh ach nach eadh a sibul

bean Edair go hollamh

o Chaitilin ar na clectadh

is aistirmhin ollamh.x

30 Oighri Muiris na mur fleaghach

tuillidh clu san cagadh

Daibhith a Roitsi is reidh eineach

oigi he ina a alladh.

31 Gur ceannchad[h] clu le cleith Maistean

leis tuss in gach tachar

faicfidh sein da eis a eineach

a cein o cleith Adhar.

32 Teit cliar a n-uallcha ’na istadh

a triall uadha is annamh

os se is annsa le gach n-ollam[h]

ac geig Andla anfad. Fada...